السلام عليكم ورحمة الله وبركاته
يابنات
مرت الدوره على خير الحمدلله
لكن في اشياء تعبتني واكيد تعبت بنات كثيرررر زيي بذات اللي حابه من جد تستفيد من الكلام الي تقولوا الدكتوره
صح انتهت وكثير حيقول الكلام مالو داعي دحين
لكن عشان تنتبهوا وماتكرروا دا الشي
اولاً :
البنات اللي تجي وتجلس شغاله طق حنك من اول المحاضره لنهايتها
الحضور ماعليه درجات واستفاده ماستفدتي شي لان صاحب بالين كداب ياتسمعي صحبتك يا تنصتي للدكتوره بفهم يابنات ليه تحضروا ودا حالكم
الشي التاني :
الجوالات
تكلموا وشغاله رنه البيبي والادهى كمان صوت الاذان يرج القاعه رج
وماتكتفي في الاذان لا والاقامه كمان ولما يخلص اذان جوال وحده
يبدأ جوال التانيه والتالته وهلم جره وكل المحاضره راحت في اذان واقامه وجوالات
ولما تجي تقولهم قفلو وبأدب كمان مايقفلو كأنو بتعاند مع اننا بنات كبار ودارسين وفاهمين لكن عقليات طفوليه
لدرجه كل يوم على 3 اسابيع ناخذ تهزيء مو طبيعي من الدكتورات
وتجلس تقارن بيننا وبين الانتظام ويقولولنا كلام يهز البدن ويقرف
وتتمني ماسجلتي في الجامعه وانا وغيري من اللي يبغو الاستفاده هما المتضررين
بصراحه الكل شايف بنات الانتساب ولاشي كلو من تعاملكم السيء واللي ماشيه كويس وتبغى العلم ينعدوا على الاصابع