الموضوع حساس شوي
وانا اتوقع الزوجة والزوج يشتركون في كل المشاكل الأسريه
ولا أعمم يعني ممكن تكون الزوجه طيوبه وزوجها متغير على اهله لأنو ماصدق انو متزوج وصار مستقل في بيته :)
وبالنسبة لقاعدتي في الحياه بما انو عندي اخوان كثير متزوجين فأنا اصنع لنفسي حياة بعيد عنهم نوعا ما أحتراماً لخصوصياتي وخصوصياتهم اوك في الجمعات العائليه ممكن اجتمع معهم
لكن يبغى يطلع هوا وزوجته السوق او البحر او المطعم ايش دخل اهلي بينهم
لأنو مهما يكون هيا من حقها تسافر معاه وتطلع تتعشى معاه وتستانس معاه لهم خصوصية في كل شي هيا تزوجت وهذا حقها على زوجها انو تعيش معاه السكينة والراحة
لكن بوجود ام الولد او اخته او حتى امها وأختها احس الثقل والرسميه شي لابد منه وهناك خطوط حمرا صعب يتجاوزوها
مثال واعتذر ع المثال بس لابد من التوضيح:
صعب يقولها حبيبتي او يدلعها لأنو بصراحه مو حلوه في حق امه
وهيا كمان صعب تقول حبيبي وتدلعه وتجيب اوم العيد
مو حلوه في حق امها وأمه
وهذا نفسيا يؤثر ع الأمهات لأنو طبيعة الأمهات يجرحهم شعور البنت او الابن صار يحمل مشاعر حب واحتياج لشخص غيرها ممكن تساوي احتياجه لها
انا تكلمت مع اخواني المتزوجين بهالموضوع وتكلمت معهم بكل صراحه ومو عيب لما تصارحي اخوك بأخطائه قولي له لو اجتمعت انت وامي وزوجتك اذنك خليها تسمع حديث امي اكثر من زوجتك ولايقول لها انو طلعوا سوق او بحر او غيرو وغيرو
والشي الثاني مشكلتنا في بعض شبابنا الله يهديهم بعد الزواج ماعاد يفرق بين الحقوق والواجبات
اوكي ياعمي تزوجت ع البركة منك المال ومنها العيال لكن يبقى لأمك ولباقي اسرتك حق
يعني لازم يخاف الله في كل شي سواء مع الزوجة او الأم أو الأخت أو حتى مع المقربين
وبالنهاية بالنسبه للأم والأخت والزوجة مسألة ذوق وتفاهم وتقدير واحترام ويعيشوا في راحة بال