[bint aboha]

المشاركة الأصلية كتبت بواسطة قلبي أماراتي بنت ابوها ماشاء الله ياكثرهم الي عندنا بالمجتمع نفس هاي الحاله للاســـف! صراحه الحرمه تلعب دور أساسي وفعال بهالتغيير العجيب للريال ماشاء الله في حريم يفرون راس الريال فر تحصلينه في بيت اهله قبل العرس غير ومن يعرس مول ماينعرف بس الوم على الاثنين البنت يوم شلته المفروض تعقله وتصلح فيه مب تجلبه على اهله وخواته انآ تجربه عرس اخوي العود صدمتني وعسى الله يهديهم ولا هدايا وهالشي مانباه يخلون شرهم ببيتهم ها كافي والله.. انا استغرب انت كريال ماتضايج على اختك حتى لو حرمتك رمست فيها كل شي له حدود اهله وخواته وخوانه هايلا المفروض مايبدي عليهم وصادقه هالبنيه والله الريال لي زين ويا هله زين مع حرمته والي يبيع اهله الى ماييه يوم ويبيع حرمته . والي يزيد الواحد قهر يوم تكونين بميلس حريم وتسمعين كل وحده تتشكى من عمتها(أم زوجها) ياخي عيب هاي حسبه امج اذا مب ازود .. واذا اهله مب عايبنج ليش شليتي ولدهم بالاساس هو تربى ع ايدهم استغفر الله حريم عجب والله..! استوت كل وحده قبل تتزوج حاطه فبالها ام ريلي سيئه ومتسلطه.. وامها هي ياويل ريلها يغلط ولايقولها اهلج غلط..! حتى لو اهلها هب زينين .. بس كل وحده تسوي هالسواه ربي يجزايها بما عملت والى مايي اليوم الي بيرد عليها عملها من حريم عيالها او من اولادها .. والريال بعـد عيب حرمه تمشيه شرات العبد لازم يكون له هيبته وكلمته ويكون حكيم واذا في خلافات بين حرمته واهلها يحاول يوفق بينهم قبل كم يوم اتريا سيارتي يلست اسمع راديو الا اسمع واحد يشتكي ع حرمته ويقول للدكتور الي يحل اقضيه ان حرمته ماتطيع تسير بيت اهله ويقوله ماقدر اجبرها واخاف تزعل ..! شوي ويبكي والله..<<مالت ع ويهه اقول حق كل حرمه تتقي الله في اهل زوجها قبل زوجها وتحاول ان تكون دائما بقربهم وتصلهم وتكرمهم وتعتبرهم اهلها واخواته خواتها والى كل ريال اتقي الله في اهلك! تراك ستحاسب هايلا امك وابوك واخوتك وخوانك تسلمين حبيبتي ع الموضوع وسموحه ع الاطاله بس موضوع حساس ومنتشر للاسف قلبي إماراتي

هلا قلبونتي ولو لاإطاله ولا شي يسلموا ع المرور واهم شي نفستي عن غضبك

شوفي قلبي المشكله اكثر شي ف الحريم والرجال غلطان لو دااها وجه

انا اعمامي وابويا يعجبوني للأنهم يطنشون حريمهم اذا رفضت تروح

معاه وكل اسبوع يمروا عليها يوم او يومين ع حسب عملهم ويجلسوا

عندها لكن المشكله انهم مايودوا عمتي لمشاويرها كل واحد يتعذر وهذا اللي

يقهرني يعني واحزن عليها صراحه مع اني نفس الحاله بحكم دوام ابويا

وهيا عاذره ابوي للأن دوامه يهلك البدن ومايصدق يرجع البيت عشان يرتاح

لطن العيب لمن عمي يجي من السوق هوا وحرمته ويقول قدام عمتي تونا

ايين من السوق والله اشوف نظرتها تكسر القلب وقسم يعني شي يقهر

طيب استر نفسك مادام انها ماتدري بس الله يهديهم فيهم الزين والشين

مايجتمع واحد فيهم والحريم والله يخافوا من ازواجهم يعني لو غصبها

او زعل منها راح تحاول تسوي اللي يرضيه وتكتم نفسها قدام اهله وتحترمهم

غصب قسم بالله انقهر لمن اشوف وحده تتكلم ع اهل زوجها وتذم فيهم

يعني انتي جايه عليهم وتتكلمي كمان مرره قويه عين والله يهدي الجميع


مشكوره قلبونتي ع المرور ويشرفني حضورج فديتج