رد: جذبني ماخطتة محابركم ياطلاب والبات عزوووز
اختي لازم تحددين موضوع للبحث او التقرير اللي بتكتبين عنه
بعد كذا تتبعين خطوات للبحث وتستعينيين بكتب خاصة بنفس عنوان بحثك لأنها بتفيدك وتساعدك كثييير .
بأعطيك خطوات مهمه لكتابة أي بحث :
الفصل الأول : نحدد موضوع للبحث ، وبعدها تكتب مقدمة بسيطة لهذا الموضوع ما تتعدى صفحة واحده ، بعد كذا تكتب مشكلة البحث وأهمية الدراسة لهذا البحث ، وبعدها تكتب أهداف الدراسة لهذا البحث ، وبعدها تكتب مفاهيم الدراسة وحدودها ، بعدها تحدد المجالين المكاني والزمني لهذا البحث .. مثال على المجال المكاني : مدينة الرياض وهكذا .
نجي للفصل الثاني اللي بتسويه : تكتب عن احد الدراسات السابقة في نفس مجال بحثك وتعقـّـب عليها ، يعني تجيب احد الكتب في نفس مجال بحثك وتكتب عن موضوع لأحد المؤلفين وتعقب عليه ، يعني تقول مثلاً : الدكتور فلان الفلاني تحدث عن كذا وكذا ....إلخ، وتعقب إنت على موضوعه يعني تقول من أهم النتائج التي أسفرت عن بحث هذا الدكتور كذا وكذا ....إلخ ، وبعدها تكتب عن دراسة او بحث لدكتور ثاني وبنفس الطريقة تكتب تعقيبك عما قرأت عنه ، (حاول تكتب عن أربع أو خمس دراسات سابقة لنفس موضوعك وتعقب عليها بنفس الطريقة ) .
نجي للفصل الثالث اللي بتسويه : تكتب عن موضوعك ( أهميته - ووظائفة -وأهدافه - و.....إلخ ) .
نجي للفصل الرابع : تكتب الخلاصة والتوصيات لبحثك اللي سويته انت في الفصل الثالث .
الخطوة الأخيرة اللي بتسويها في نهاية البحث في آخر صفحتين : أكتب قائمة المراجع (أسماء المراجع والمؤلفين للكتب اللي أستعنت فيها لبحثك ) .
طبعاً لا تنسى عند تنسيق البحث أكتب الفهرس (فهرس المحتويات) للبحث ،، وتكتب الفهرس في أول صفحتين فالبحث ، مثال على الفهرس :
الفصل الأول اللي انت سويته فالبحث : مدخل الدراسة
1/ مقدمة
2/مشكلة الدراسة
3/ أهمية الدراسة
4/ أهداف الدراسة
5/ ......إلخ
الفصل الثاني: الدراسات السابقة ....إلخ
الفصل الثالث : .......
الفصل الرابع : .......
وبكذا تكونين سويتي البحث كامل وفالك الدرجة كاملة إن شاء الله
لا تنسونا بدعائكم
|