[Life as Game]

المشاركة الأصلية كتبت بواسطة r_r منور لايف عودا حميدا الطايف تجنن يَ لباها بس

النور نورك .,
تجنن وبس ..شوارع مافيها زحمة ,, وجو رايق .. ومافي ساهر <<يعني اسمع طرب المكينة ,,هوااا
سربتة ودشرة على اصول .,.خصوصا انو اهلي سافروا قبل ما اجي ..وقالوا الحقنا << قلت قابلوني ..
بأختصار حللت الاجازة بالمقلوب ,,
من اكتر المواقف اللي مرت عليا ,,ضحك من قلب
مطعم الطازج ..طبعا بما اني عزابي اكيد ما اكل الا في المطعم
الموهيم الطازج غالي على غير فايدة ..
تعشيت فيه مع واحد من اصحابي ..وطلبت بروست صغير عادي مع بيبسي وصاحبي طلب اللي طلب ..الموهيم
اول ما وصل الطلب انصدمت مرة ..الدجاجة كأنها عصفور ..مرة صغيرة
والبطاطس قليل والخبز صغير ,,والقيمة 15 ريال << على ايش طيب ..؟ كنت احسب زي كتيكت عالاقل
وطول الوقت جالس اكل وانا معصب
شويا خلص صاحبي ..وقال يلا مشينا.,.
قلت دقيقة ياخي ..خليني احلل الـ15 دي,..
وجلست اكل وطولت شويا ,.,
الموهيم قام هوا وقال بسرعة امش ,,
قلت ياخي اصبر خليني احلل كل شي هنا
قام يصايح ياخوي وش تحلل وقسما بالله مابقي الا العظم
ومر من جنبنا واحد في وسمع النقاش ..وطالع فيا ..وطالعت فيه ..وفكييت اومها كاااااااااي
هوا شرد للمغاسل عشان لا انتبه انو جالس يضحك عليا
وقمت اغسل وقابلتو هناك ..وافك كاي من جديد ..و طلع من المغاسل عشان لا يضحك قدامي
حسيت اني بخيل ملعون جدف
جلست اضحك على نفسي يومين
من كتر المواقف اللي مرت عليا ..حسيت انها اطول من اجازة الصيف

المشاركة الأصلية كتبت بواسطة البرنس11 ولكم باك يالايف ونورت الرابطه وانت فله شمعه منوره حبيبي

النور نورك ..وبوجودك ,,
وانت لمبة بيان عزابية..وسهارية عشّاق ..وشمعة لكزس

المشاركة الأصلية كتبت بواسطة أ/د/م/:فهد هلا و الله تو ما نور الله حيهم منور يا لايف من نايف ما ادري ليه احس اسمك نايف <<برا

تحيا وتدوم ..
ههههه وين نايف ..يا حمزة
منور بردك

المشاركة الأصلية كتبت بواسطة شـهـاب موضوع يستحق المشاهده هنآ

يديك الف عافية عالموضوع دا ..
ابداع والله

المشاركة الأصلية كتبت بواسطة جنون الطفولة ياخي بطل تغني الاغنية دي جبتلي الصمرقع

جينا من الطايف
بلعكس مرة نايس ..ايش فيها مسلا ؟؟

هههههههههههههههههههههههههههههههههههههههههههههههههه ههه اما مقهور كثر منها

ايوا اكيد اللي يحظر زواج مقهور ..تلاقي البت مسلا ..تتمكيج وتتزبط لو تمر في الشارع تطيح 10
ولما تحظر الزواج تلاقي وحدة احلا منها .. وتبدا الغيرة والحش ..و غير كدا تشوف العروسة ..وتقول يااه متى حيجي دوري ..
اما الشباب يتكشخ
شماغ وغترة وعمامة وعقال وطاقية وكاب وايس كاب وعطر وعودة و جوال وساعة..وماني عارف ايش ..<< طيب عرفنا انك خقة وبعدين ؟؟
جالس زي الصنم لمدة 5 ساعات يشرب قهوة وينتظر العشاء ..وبعد العشاء يجلس 3 ساعات وتزيد ..
لا هوا اللي متزوج ولا هوا اللي يدشر مع اصحابو ..ولا اللي جلس في البيت احسن لو
<< زي جمهور الهلال في المدرجات مترززين تقول حاظرين زواج للملك..
بس ناقص يكتبوا ارقام البيبي على طواقيهم عشان ادا في واحد منهم اعجبت فيه بنت تضيفو

باركولي صرت خالة ,. ولهزا السبب صار فيه حالة استنفار واعلنت حالة الطوارئ وحانت ساعة الخطر وقد استفدت من كل ساعة نمتها بزيادة عن الحد المطلوب فالايام اللي راحت فـ ها أنا احدثكم بعد مواصلة 3 ايام بدون نووووم كلو عشان (الباشا حسن) ولد أختي طول الليل يبكي وانا اجري مهرولة من غرفة لغرفة (جيبي منديل ... جيبي بامبرز .. جيبي رضاعة .. هاتي مصاصة ... جيبي شخشية <تعرفوها صح ) المهم وقد اكتمل نكش ماتبقى من خصل شعري ولم يقضي عليها الرياضيات

مبروك ..يتربى في عزكم ,,ومن حفظة كتاب الله يارب
يعجبني اسم حسن ..
اصغر اخواني اسمو كدا ..اسميه حسنسن ..ولما اقول ايش اسمك يقول حثنثن
واوختي اللي اكبر منو تسميه حنسنس << استهبال طبعا
ولكم باك << بدري