[n_n]

المشاركة الأصلية كتبت بواسطة فيصل ههههههههههه ذكرتوني بأيام " لك اللحم ولنا العظم " . الأب يجي عند مدير المدرسة يقوله " لك اللحم ولنا العظم " عاد المدير ينبسسسط . المدرسين يعجبهم الواحد اللي ينضرب أو اللي يتمنى العقاب , أذكر مدرس درسني يقول : كنت أضرب طالب " فلكة " ( الفلكة = الضرب بالعصا على باطن الرجل ) ضربته 5 ضربات ووقفت , شوي قال : يا أستاذ أضربني كمان أنا أستاهل !! .... الأستاذ يقول : أيوه كذا طالب العلم .. يعني طالب العلم لازم ينضرب ؟ للأسف النوعيات هذي موجودة مو بس في الكويت , حتى في السعودية موجودة , الطالب ما عنده أي كرامة , وإذا تكلم أو شي مسحوه بالأرض . لما منعوا الضرب أعتدى الطالب , وإذا سمحوا بالضرب شفنا العجايب .. طيب مافي شي أسمه وسط يا وزارة التربية ؟ والله كنت أروح المدرسة وأنا خايف , بل ترسخ عندي مفهوم أني أروح المدرسة كل صباح عشان أنضرب وأرجع .. من قصص المدرسين اللي درسوني , كان فيه أستاذ للغة الإنجليزية عمره تقريباً 60 أو أكثر ( كبيير جداً في السن ) هذا الأستاذ مشهور على مستوى المدينة اللي أنا كنت ادرس فيها بالعصبية , لدرجة أنه مرة أعتدى على طالب وكسر الكرسي على راسه .. المهم الأستاذ هذا ما يدرس إلا المتوسطة , والله كل ما يدخل مع الباب تسمع الماسات ترتجف والتأتأة في الكلام عند المشاركة , لأنه ما يدخل حصة إلا وفيها يا ضرب يا تهزيء وعلى هذا المنوال إلى أن تخرجت .. ومرة واحد من الطلاب ما عرف يكتب حرف a , المهم صيح عليه : كذا تكتب ( وكتبها على السبوره ) . الأدمي خايف وما فهم , وكتبها غلط .. في طرفة عين الأستاذ مسك الطالب من وسط الصف بثوبه ورفعه فووق , وجابه إلى عند السبورة وقال : هذييييييي أييييش ؟ قاله وهو يبكي : A قاله : هيا أنقلع أكتبها , ورماه على الأرض . كثير من النوعيات هذي قابلتها في المدرسة والحمد لله تخلصنا منها .. طيب خبروني أنتم عن نوعياتكم :)

ههههههههههههههههههههههههه والله ضحكت من قلبي
ذكرتني بالماضي ... أنا أمي الله يطول بعمرها إذا راحت تسأل عني في المدرسه يكون اسوء يوم في حياتي لأن عمرها ماوقفت معي وإذا جات تتكلم مع المدرسه بخجل وتترجاها وتقول لها سوي ألي تبغين فيها نتفيها لو تشوفين انها تستاهل >>
والمصيبه العظمى أختي كانت مدرسه معي في نفس المدرسه والله مايمديني أسوي أي حركه من حركات الأطفال العفويه العاديه إلا وهي داريه وتجي تهزئني عشان مايقولون عليها ساكته لها عشان هذي اختها
عاد الأنيل من كذا ألي تكره أختي المدرسه هذي تحط حرتها فيني

أما المضحك في طفولتي التعيسه أني في الأبتدائي كان في وحده من اخواتي مدرسه والمتوسط فيه صديقات لوحده من أخواتي صديقات الروح بالروح يعني اخباري يومياً توصل والثنوي مديرة المدرسه صديقة أمي هههههههههههههههههههههههه
أنا بصراحه من الناس ألي أكره البيت هذا من الشعر الي يقول (( ألا ليت الزمان يعود ..