[أبو غيداء]

أنا ودي الحين أحكي كما يقولون
كنت في الترم الماضي أختبر مادة ............ معليش عشان خاطر الدكتور تصدقون بحياتي ما سمعت أنها تختبر شفوي
المهم أنا كنت حاط بعيني مقطع وحفظته عشان لو يقول سمع سمعت المهم اللي صار ما أريد اطول أخونا في الله الدكتور
جاء وقال يالربع تروني تعبان مره ودي أختبركم تحريري وكل واحد يطلع ورقه من جيبه قلنا يادكتور العادة أنتم تجيبون
قال معاكم عشر دقايق فقط و جينا فازعين اللي طاح شماغه واللي قطع الدفاتر المرميه بالمداخل وهنا معليش اللي لقاء دفترة ممزق يعذرنا من شان الموقف و الكثير جبد من زميله ورقته وتعال شوف أخونا الطلاب حقيقه راحت عليه لصورها بالجوال
المهم في بنقالي هو الكسبان من الموقف باع علينا الورقه بريال تخيلوا !!! المهم واحد جزاه الله خير جاب أراق من برى الجامعة عن طريق واحد أتصل فيه يعني فزعه وزعها على زملائنا الطلاب لآن الي مع البنقالي خلصت و حنا عدد فوق 200 طالب و اخونا الدكتور رايح فيها
أعطانا خمس أسئلة وجلس على الطاولة آسف الكرسي و تعال شوف الطلاب من الكتب والملازم كلن يكتب ما بداله
آخر اللي صار جاء طالب آخر الأختبار وطلب الدخول قاله أدخل و اعطاه ورقه من الزايد طبعن حقنا وقال له روح لواحد من زملاك وانقل الأسئلة منه و حلها بس انتبه تكتب الجابات وتغش
وهذا اللي صار والله وانتم ما حلفتوني@@@ عجبي لها من جامعه ....