[shaden]

إلى أخواتي الأعضاء والعضوات

مساء الفل ::

أود منكم مناقشتكم لموضوع كل ما أفتكره من جد قلبي مررة يتقطع

وأحس الغلط مننا

معاملتنا ونظرتنا (للقطاء ) أنا قولت المصطلح دا عشان توصلكم المعلومة مع أنه أرفضه تماما وما أحب أحد مهما كان يتلفظ بي

أعزائي ليش نظرتنا لهم انه هوما مذنبين أو ملوثين أو فئة ليس لها أي أهمية في المجتمع

والأهل مرررررة يتذمروا اذا أحد منهم أتقدم لبنت عشان يكمل نص دينه ويتزوجها .
أو العكس واحد يبغى يتزوج منهم
طب هو ما اختار نصيبه ووضعه في المجتمع هو انخلق وجد نفسه وحيد لا أب ولا أم

أنتو عارفين المدرسة الي أدرس فيها في كم بنت من بنات الرعاية الاجتماعية يعني أيتام

وفي وحدة منهم دخلت علمي ومستواها مو علمي نهائيا مسكينة بس بتحاول انها تستوعب المواد العلمية

وتذااكر أول بأول فا معلمة مادة الكيمياء قالتلها روحي للمشرفة قوليلها انا مني فالحة في الكيمياء

طبعا أنا كنت عند المشرفة وهي داخلة البنوتة تبكي المشرفة قالتلها خير يا رهف (يا أبلة حرام تكونوا انتو والدنيا والرعاية الاجتماعية الي أنا فيها عليه )

من جد كلمتها قطعت قلبي أنا دي لو طالبتي ولا أفكر في مستواها أصلا يعني أنا في مدرسة خاصة يعني مشي حالك

العلم عندهم والله لأساعدها وأكون صديقة لها الواحد ما يعرف ايش الدنيا دي حا تعمل في بس ربنا يرحمنا برحمته

دا الموضوع ودي وجهة نظري

وأنا مستنية أعرف ارائكم

أختكم شادن