[.,.نيــــــــــــــــــــران.,.]

المشاركة الأصلية كتبت بواسطة خالد9921 انا اشوف قيادة المرأه للسياره زيها زي إستعمالها للجوال او الكمبيوتر او اي شي جهاز وجماد آخر ,, ! اللي يقول ممنوع تسوق المرأه اكيد راح يقول ممنوع ما تسوق علشان لا تتعرض لتحرشات وهذا ما يدل الا على إن شعبك غير متربي وغير محترم وملقوف ويستهوي التحرش ,, ! ولو كانت نسبة التحرش ليست ثقافة منتشرة وانما نادرة لـ غض الطرف عنهم وتم الاخذ بالاغلبية فـ رب شعبك اول شي ثمن احرم المرأه من حق طبيعي وعادي ولا فيه كفر كالقيادة .. ! بعدين انا مدري البعض يعني عاجبه ان كثير من البنات والحريم يلجأوون للسواويق ؟ عاجبه يعني اننا نشوف يوميا مئات البنات تحت رحمة اخلاق سواق باص ؟ والا عاجبه يوم يشوف حريم يركبون تاكسي تحت رحمة اخلاق ابو هند ؟ لا احد يقولي معليش وين ابوهم والا اخوهم .. وضعك لا تعممه على غيرك الناس تختلف اوضاعها فلان من الناس اعرفه مضطر يخلي بناته يروحون مع باص لانه بإختصار وقتها يوفر لهم لقمة عيش تقيهم من الفقر .. عندك استعداد تقيهم من الفقر و يوصل بناته ويطبق لك الاخلاق العربية الاسلامية المجيدة ؟ فـ من باب اولى اذا عندك غيره بمسألة قيادة المرأه سياره بدون اجنبي معها بالسياره غار على ألوووف الحريم والبنات بشوارعنا يوصلوهم رجال ليسوا بمحارم لهم !! اذا كان المقياس هو منع المرأه من السواقه لمجرد السواقه ياخي كان قالو ايام الرسول عليه الصلاة والسلام حرام تركب اي وحده دابه والا ناقه !! خلاصة القول انا رافض لقيادة المرأه ليست لان القيادة عيب .. او تنقص من المرأه .. بالعكس هذا إستعمال طبيعي لاختراع زي اي اختراع يستخدمه الانسان انما انا رافض لان الشعب همجي وغير محترم وما يحترم الآخريين .. وبالاخص لان معدل هواية التحرش مرتفع عند الشباب للاسف الشديد ولنا عبرة بإحتفالات اليوم الوطني وغيره ,, ! هنا للاسف تختفي التربية الدينية اللي تحث على البعد عن هالتصرفات وايضا التربية الدستورية الاجتماعية مثل اللي نشوفها باليابان مثلا واللي تنص على انك تناظر قدامك بالشارع ولا تناظر الثاني وتتحرش به وترقمه ويا لبيه شف شف اللحمه ,, ! حنا لو سالمين من هالاشكال اللي تقزقز حريم خلق الله كان سوقو يالحريم ما بيضركم شي ,, ! بدليل ان بعض القرى والبوادي تسوق فيها النساء لان سكان القرية يعرفون بعض وكلن عيال قريه ما بينهم غريب او شخص معتدي او متحرش ,, ! واذا تحرش احد الرشاش اشتغل ,, ! ما ضرر سواقة المرأه لحالها اعظم من ضرر وجودها تحت سواقة رجل اجنبي !! ولما تجي تناقش قضيه اجتماعية زي هاذي لا تعمم على حالتك او حالتي انا عادي قبل شوي موصل اختي المدرسه وما اعاني هالمشكله بس ما جيت اعمم على حالتي ! ناظر يا اخي مئات الالوف من الشعب اللي مسلمين حريمهم لرجال اجانب يرضيك هالشي ؟؟ اذا ما يرضيك ولا يرضيك سواقتها اصدر قرار لمنع السواقين الاجانب كمان لانه العن واخس واكثر خطرا ... ! الله يوفقنا للخير ...

أخي الكريم خالد ليست المسألة في عدم القيادة فحسب

شوف ايش قاعد يسير في الأسواق والمولات والشوارع وفي البحر والكباين و و و
المجتمع يبغاله صحوة وإصلاح مو نفتح آفاق ثانية ونعطيهم فرص إفساد أكثر ..!

تصدق ان النساء في زمن الأخلاق (زمن الرسول) كانوا يمشون بجانب الحائط من شدة حيائهن
وتقولون لي سواقة؟؟
وضعها وهي تسوق ؟؟ مو خالصين من التبرج والسفور اللي صاير في الدنيا نجي نعميها بالسواقة؟؟


مع إن السواقة راح تخدم فئة محتاجة جدا للمواصلات لكن راح تضر مجتمع بالكامل وحتجي بسببها كوارث وقلة حيا

ماأدري ايش حكم الشرع في السواق الأجنبي وايش ضوابطه واستثناءاته لكن الحمد لله (الباص والتاكسي والسواق الخاص) ماوصلنا لدرجة مشكلة اجتماعية والأمور ماشية طبيعي


بالنسبة للكلام اللي باللون الأحمر انا بالعكس أناقضك فيه ، انا اقول لو المجتمع صار أحسن حالا وكان في تربية حقيقة للأجيال للشباب والبنات واحترموا الحريم نفسهم بالحجاب الشرعي وقتها يارب يخلونا نسوق :)


تحياتي لك أخي الكريم

أختك