التدخين سبب رئيسي لامراض القلب والشرايين وسرطان الرئة وله علاقة بكل السرطانات(ما عدا الكبد ) ومن ضمنها القولون الي يعتبر اكثر نوع من انواع السرطانات الي تصيب الرجل السعودي ...
يعني بالله مافي واحد ولا وحده تعرف الكلام الي فوق
اكيد الكل يعرف بس متهاون بالموضوع يقول يلا كلنا حنموت وكل واحد وله يوم يموت فيه
على بالهم خلاص مرضوا حيموتوا وينتهي الموضوع
روحوا شوفوا الناس في المستشفيات التدخين ايش عامل فيها
اقل ما فيها امراض في الشرايين بعدها جلطة دماغية وشلل والناس تشيل وتحط فيه
دحين كل واحد فرحان بشبابه وصحته وما يفكر بعد 20 سنة وهو على سن ال40 كيف حيكون واولاده واهله تعبانين معاه يعني مستقبل مظلم
خلاص الي في يده سيجاره يرميها والي عنده معسل ولا شيشة يقوم يكسرها >>> بالله كيف ما اقنعتكم
وملاحظة اخيره الي يتقبل الرجال الي يدخن لازم يتقبل المرأة ولا يصير يناقد نفسه لا يجي يقول شكلها وشفايفها وريحتها
طيب مو هو كمان شكله وشفايفه وريحته وفلوسه نفس الشي
الا اذا كان يشوف انه التدخين رجوله دي فيها كلام تاني ....