بسم الله الرحمن الرحيم ..
ان شاء الله الجميع بخير ....
حبدا كلامي بحسبي الله ونعم الوكيل في كل شخص يسعى انو فلوسنا تروح بمكان حرام حسبي الله ونعم الوكيل بكل شخص يعرف انوو الفلوس اللي في جيبووو دخلت بسرقه او بطمع
حسبي الله ونعم الوكيل في كل مسؤول او ادراي فالجامعه وجه موظفينوو انو يتحايل في أي نظام ,,,
طبعا موضوعي زي أي موضوع زي مايقوولوو التوب ون للاسبووع (( الاعفاااااااااااااااااااااااااااااااااااااء)) وما ادراكم مالاعفاااء ,,
بقوولكم وضعي واحكمو ,,
انا موظفه براتب لايتعدى 1500 .. راتبي عباارة عن مصرررروف لكل احتياجاتي اكل وشرب ومستلزمات
واي حاجه ,, الوالد موجود لكن راتبوو 5000 يروح في قرض ومستلزمات لاخواني وللبيت ,,
قدمت على الاعفاااء قالي لاتتوفرر أي شرروظ.. يعني ياجماعه قوولوولي عشان اكون داخله فالشروط ايش اعمل
اروح اتزوج واحد كهل فقران ماعندوو الا عشة في البر وبيموت عشان اكون متوفرة ولا اروح اوقف في نص
شارع من شووووارع مدينتناا الحبيبه جدة اخلي ترله تصدمني عشان تتوفر عليا الشرروط 
يعني هماا مايخافوو ربهم مايعررفوو انو وراهم عيال ربي رح يسلط عليهم اللي يسويلهم كدا ..
حتقوولوو واسطه انا ادميه عندي ولد عم باباا مدير فالعمادة لكن ماعندي استعداد اشحتوو يدخلني ولا عندي استعداد اترجااه واكسر كرامتي لا هو ولا أي شخص غيرررو
ابغى اكون بكرررامتي ما انكر عندي 3000 ومجهزتهاا فالحساب ربكم يعلم انوو راتب الشهردا كامل ماصرفت ريال منوو حطيتوو ,,
بس ليش دي 3000 احتااجها في امووور مهمه يعني والله حرررام ننهاان ونشحت في بلدنااا,,
المهم انا قدمت وقال غير متووفر تابعت الاخوان والاخوات لقيت في من يقوول انحل المووضوع ومن يقول
انقبلووو قررت اشيك قبل شوي جاني انو لم يتم القبوول علما انو اول لمن كنت ادخل استعلام يفتح بس دحين مايفتح ,,,
بصراحه اوراقي عندي جااهزة بس انا عندي ادفع ولا اروح تنكسر نفسي فالجامعه ...
دعوواتكم انوو ربي يفتحهاا بوجيهناا بكره قبل لا اسدد