السلام عليكم ورحمة الله وبركاتهـ ..
وعليكم السلام ورحمة الله وبركااته
كيفكــمـ ؟؟ انشاءالله تكونو بخير ..
بخير الحمدلله ياقلبي
عندي سؤالين ياليت تجاوبوني عليهــــا
اول حااجه ماهي شروط التحويل للأنتظام ؟؟
اول شرط لازم تكوني خلصتي السنه التحضيريه
ولازم مايكون اتخرجتي من الثانوي من اكثر من خمس سنوات
والمعدل للسعوديات 3.50 <<مو متأكده
وشرط مايكون في حمل مواد
وللأجنبيات شرط يكون المعدل عالي واذا انتي اجنبيه توصي
احد يروح قسم الطلاب ويرفعو من هناك معامله للوزاره بطلب استثناء
لأن في قسم الطالبات ماعندهم شي غير الرفض للأسف
وهل يشترط فيه السعوديات فقط ؟؟
صحيح هذا شرطهم تكوني سعوديه او امك سعوديه الله يطول بعمرها
لكن اعرف اجنبيات وحولو بعد تعب ورفعو معامله للوزاره بطلب استثناء وامورهم الله يسرها بس شرط يكون معدلك عالي عشان يكون لك حق بالطلب
وثاني سؤال كيف كانت مواد خطه ب ؟؟
والله يالغلا انا بعلمك ان خطه أ وخطه ب كلها نفس الشي
يعني هي 9 مواد بالسنه التحضيريه كلها لاوم تدرسينها الفرق بس ان خطه ب يدرسون السمستر الأول اربع مواد ( احصاء+ اتصال+التفكير والبحث العلمي_+ انقليزي 101)
وخطه أ يدرسون خمس مواد في السمستر الأول ( رياضيات + حاسب+عربي101+ثقافه101+انقليزي101)
والسمستر الثاني يصير تبادل بالمواد يعني في الاخير كلها بتدرسينها
اما من ناحية كيف كانت مواد خطه ب احب اعلمك ان كلها سهله باذن الله اذا ذاكرتي من بدري واجتهدتي
عندك مثلا الاحصاء ممتعه جدا وسهله واذا واجهتك صعوبه في الفصول الأخيره روحي للمدرسه وبتتسهل ان شاء الله بس والله جد الماده ممتعه جدا جدا
ومادة الاتصال راح تنبسطين معها كثيرررر وان شاء الله تدعي لي
ومادة التفكير حفظ وفهم بنفس الوقت لكن نصيحه من اخت يبيلك تمسكينها من بدري عشان ماتخلطين بين الدروس وركزي على كل شي فيها
والانقليزي 101 سهل جدا ركزي على الفوكابلري والقطع والقرامر
وفالك الخمسه باذن الله
يعني ياليت تكتبولي ايش هي المواد اللي اعتمدتو فيها على الملخصات ؟؟
والملخصات اللي تنصحونا فيها
انصحك من تجربه انك انتي اللي تسوين الملخصات بنفسك يعني تذاكرين من الكتاب وتلخصين التعاريف والتعداد والاسماء المهمه ..الخ
واذا عندك ملخصات من المنتدى لاتفتحينها الا بعد ماتخلصي من الكتاب كاامل وبعد كذا ترجعين للملخص عشان تركزين على النقاط المذكوره فيها وتراجعينها وترتبين افكارك
... والمواقع اللي استفدتو منها ...
ما أذكر ان في موقع استفدت منه كثر هذا الموقع والله منتدانا هذا كان له الفضل الكبيررر بعد الله في دراستي واستفساراتي والاخوان والاخوات هنا متعاونين جدا الله يحميهم ومابيقصرون معك ابد
ماهي الخطوات التي رفعتكم لنيل الدرجات العليا >> معليش السؤال جاي فصيح مره 
اولا اعتمدي على الله وتوكلي عليه .. واتأكدي انك ماراح تاخذين الا اللي الله سبحانه كاتبه لك وانتي عليك الاجتهاد وترك اللعب وتضييع الوقت لانه لكل مجتهد نصيب على قد ماجتهدتي وتعبتي بتنجحين
والشي الثاني واللي انا اشوفه مهم جدا جدا خذي من اللي حوالينك الشي المفيد واتركي الاشاعات والكلام اللي يحطم يعني مثلا بعض الطلاب او الطالبات الله يسامحهم يقولو المواد صعبه والجامعه ظلم والدكاتره ظالمين وحتى لو ذاكرتي ممكن يرسبونك ولو حضرتي احتمال تلقين dn ...الخ من الكلام اللي يحطم لازم يكون عندك مناعه ضد هالافكار وتذاكرين وتسوين اللي عليك وربي بيوفقك
ثالثا التضليل في ورقة الاجابه ركزي وانتي تضللين واتاكدي من شعبتك وبياناتك كلها لان اللي يصحح جهاز واذا تضليلك مو بواضح مايقراه وممكن يرسبك وانتي جايبه 100 عشان كذا ركزي جدا وقت الاختبار
واخيرا السنترا نظام ممتاز اذا النت عندك سرعته كبيره لانك بتستفيدين كثيرر اذا حضرتي المحاضره من قبل لاتبدا وكنتي مركزه زين وماتتكلمين في الشات ولا تنشغلين باللي حولك صدقيني راح يكون وضعك تمام ان شاء الله
انصحك تدعين الله يوفقك ويسهل امرك
ايوا صح بخصوص الاحصاء لو وحده تعرف مدرسه شرحها تمام ترسلي رقمها على الخاص اكون شاكره لها ..
ان شاء الله البنات يفيدونك لاني ماعرف مدرسات بجده لأسف
وسلامتكــــم +_-