[Ӎṝ.7ṂṍṍḊḽ :)]

السلام عليكم ورحمه الله وبركاته ..

اكتب صراحة من القهر الي انا حاسه واي ( غيور ) وماراح اقول اي ( واحد ) ساكن في جدة لكن الغيرانين عليها هما الي راح يحسوا بس بالي اقوله ..

سنة ورا سنة والامانة ماتتعلم الامانة بس تبربر وتتكلم بس مع ذلك ولا تندم .. يموتوا ناس بس المهم هما يعيشُوا .. ماتفرق معاهم عشنا ولا متنا اصلا مع الزحمة طفشوا منا ولا سوا في بالهم علينا قرش يسوى

اهـ ياجدة يوم كان فيكي رجال .. يوم كان فيكي اسناد يوم كان فيكي الخير ودحين صرتي غير
صاروا يتشمتوا فينا الناس عام ورا عام بلهجتنا وبحلاوتنا بطيبتنا وكرمنا وبكل شي فينا صرنا
من السيء للاسواء وحتى السيء صار احسن منا الا احنا يا جدة متى نتعلم .. :(

شوارع زفت وتخطيط ازفت ليه يا عالم ليه .. ليه كل واحد اذا جا جدة حسبوه جاي لشر ليه
نسيوا انك باب الحرم لكن بالرغم من ذلك ماحد انتكتم جلسوا يبربوا فيكي لين صوتهم انعدم

واهـ يا جدة أهـ ..
صاروا العذل يتشمتوا فينا .. حضنتيهم بحنانك يا جدة .. وعلمتيهم بترابك يا جدة .. انتي الي نظفتيهم انتي الي فهمتيهم يا جدة ودحين هما يتشمتوا يا جدة :(

الله يرزقك بعيال نشامى وعيال امانة ويبعد عنك الرخوم وقليلين الاصل دوما وابدا يا جدة