[ماجد ابن مرزوق]

أهداء لكم وكل احبابي واتمنى ان تحوز على رضاكم
يا هاجسي هات الجزل من مجاريه ،/،/، دامك على صعب المهمات رَوّاد

واسرج خيولك فالميادين ياهيه ،/،/، وانت العظيم اللي على الجزل منقاد

رح يمهم ياهاجسي بالمشاريه ،/،/، بلغّهم اني لي سنين وانا صاد

ابعد وجودي عن نظر بعض الوجيه ،/،/، مالي ومال اهل الحسد والتنقّاد

واعرف دروب الحق ماتيه ماتيه ،/،/، وعندي مع اهل الطيب موقف وميعاد

وياأصحابنا الغالين هرج المتاييه ،/،/، ما نقّص فعول النشاما والاجواد

والصاحب الوافي نعزه ونغليه ،/،/، يزداد حبه مع معزته يزداد

وان ضاقت الدنيا وكثرت بلاويه ،/،/، انا حزامه حزة الضيق وسناد

دامه على درب الوفى ماشيٍ فيه ،/،/، انا معه دايم على روس الأشهاد

والصاحب الشامخ طوالٍ خطاويه ،/،/، ما يمشي دروبٍ بها انذال واوغاد

وياهاجسي رح يمهم بالمشاريه ،/،/، مالي ومال اهل الحسد والتنقّاد