رد: الاقتصاد الجني؟
الماده بصراحه الجزء النظري فيها غير مفهوم مع اني تخصص علمي لكن واجهة صعوبه كبيره فيها فهمت شي من الكتاب وجاء الاختبار وكانت طريقة النظري بطريقه ثانيه تماما لدرجه اني احس اول مره يمر علي ولكن الحمد لله عديت بـ 60 وانا اعتبرها درجه مؤسفه لكن من كثر مو مسويه قلق نفسي هالماده رضيت فيها ،،، وغير كذا في ناس ماشاء الله عليها تدرس قبل بوقت تكون فاضيه ولا وراهم دوامات والتزامات فمن الظلم انك تقارن بين شخص اخذ وقته ومريح ويدرس برواق وماوراه شي وبواحد يكرف ويرجع يبي يرتاح ولا يمسك كتاب ناهيك عن الاجازات اللي يعطونا هي بطلعة الروح متى يمدينا اجل نذاكر ؟!!
صراحه في اساتذه طريقتهم معقده و كل همه يسوي عبقري على الطالب ويبين غباءه ليه ماادري ؟!!
ونقطه ثانيه التركيز مهم بالقاعه يعني في ناس ماشاء الله تقدر تحل وتفكر في وسط جوء ازعاج لكن امانه انا من تبدا المراقبات يتكلمون ولا يمشون فوق روسنا روحه وجيه اتشتت واجلس احفر بمخي عشان استرجع معلوماتي لدرجه اني صرت والله ادور مكان على الجدار عشان الف وجهي عليه واركز شوي :(
مدري وش اقول حاسه والله بمعاناتك لان هالماده كانت كابوس بالنسبه لي :(
|