[الكحيله]

يعطيك العافيه ابو اسامه وفكرتك الصصراحه جايه ع الجرح

الصصراحه الجامعه مدري وش تبي بالضبط الناس تبي تتعلم يكون معها شهادات جامعيه علشان تكون اكثر ثقافه

ونجمع فلوس يمين ويسسار علشان ندفع لهم وندرس واخرتها كذا

الصصراحه الرسسوم كثيره حرام كذا يسوون فينا 3000 ليش لمين بتروح وناس فقرانه تجمع علشان تدفع وتدرس واخرتها كذا مو حرام

ونظام السنترا هذا قسسم بالله ظلمونا فيه الاساتذه الي حاطين لنا مو كفو واعتقد انه مافيه رقابه عليهم لان الاغلبيه يقراء قراءه من الكتاب ولمن تجي تساله عن حاجه مو فاهمها يطنشك وين العدل اسالكم بالله

وفوق كذا الاسئله يبي لها عباقره مو ناس تدرس انتساب المفروض دام الدعوى كذا ليش ياخذون مننا رسوم ليش ماياخذون الا بعد التخصص

ولمن ندخل القاعه نقابل ناس تسد النفس بالكلام بس ولا نفس والاوراق لسه ماتوزعت ولا شي ويتاخرون بتوزيع الاوراق

ويعدون لنا الوقت ترا ي بنات بقى ربع على الوقت ترا بقى نص ساعه ليش تتكلم ليش ماتسكت علشان نركز مو نرتبك كذا

اخر اختبار لي سحبة الورقه مني بالغصب وباقي لي سوالين

وفوق كذا درجة النجاح من 60 يعني مساواه مع الانتظام ليش مو هذا ظلم

المفروض يكون فيه مراعاة

مالي الا ان اقول حسبي الله ونعم الوكيل بس هذا الي اقدر اقوله

وفكرة الاخ مظبوطه واتمنى انها توصصل لمن يخصه الامر