[..Huda Hamad]

السلام عليكم ورحمة الله وبركاته..

كيفكم يا تحضيري ‏..‏ إن شاء الله مبسوطين مع المذاكرة..

وكيف الإحصاء معاكم خاصة..

تدرون إنو الإحصاء هذا إللي مو عاجبكم إنو أحلى وأسهل وأحسن مادة..

أنا لمن كنت السنة إللي فاتت تحضيري ‏..‏ كانت أكره مادة عندي الإحصاء ‏..‏ بس ألحين عرفت قيمتها وحسيت فيها..

والله إنها أسهل وأحسن مادة..

وكمان أحسن طريقة لمذاكرتها إنكم تذاكرو الكتاب بعدين الملخصات..

طبعا مذاكرة الكتاب كويس مره مره مره ‏..‏ وفهم ‏..‏ لأنو لو ركزتو رح تفهمو على طول..

بعدين الملخصات تكون زي المراجعة..

ومره مهمه الملخصات ‏..‏ تفهم وتخلي المعلومه تثبت في الرآس..

هنا رح أحط لكم كل ملخصات الأستاذ جمال السعدي..

أنا أعرف إنها هنا موجودة بالمنتدى..

بس حبيت أحطها كلها هنا عشان إللي ناقصه شيء يلاقيه هنا أو إللي مو موجودة عنده يآخذها من هنا..

أحسن ملخصات عجبتني هي هذي ‏..‏ صح كل المخصات كويسه وحلو شرحها ‏..‏ بس هذي حسيتها قريبة من طريقة فهمي وحبيت تستفيدو منها زيي..

وكمان أسئلة السنة إللي فاتت محلوله للأستاذ جمال السعدي..

مهمه الأسئلة إللي فاتت عشان تعرفو طريقة الإختبار..

لأن الإختبار تقريبا يكون زيها..

أنا أتكلم عن البنات بس ما أدري عن الأولاد يمكن زي البنات أو لا..

أتمنى لكم كلكم التوفيق والدرجات العالية بالدنيا والآخرة..

وإن شاء الله كل واحد يتخصص بالشيء إللي يحبه ويتمناه ويكون خير له وللكل يا رب..

آسفة طولت شوي ‏..‏ بس حابه أفيدكم ‏..‏ وإن شاء الله أستفدتو..

..‏^‏.‏~‏..