[الجووهره المكنوونه]

السلام عليكم

ماقول غير حسبنا الله ونعم الوكيل
أنا ماراح أتكلم عن التعليم في الخارج وأقارنه في اللي عندنا لأنه شتان بس بجيب أقرب مثال وهي مقارنه مع جامعة الملك فيصل

ياطويلين العمر
الرسوم :
جامعة الملك فيصل > 2500 في الترم الواحد
جامعة الملك عبدالعزيز > 3000 في الترم الواحد

الكتب والملازم :
جامعة الملك فيصل > كتبهم رخيصه ماتتعدا ميتين 200 ريال وتقدر تستغني عنها بالملازم اللي متوفره بكل المكاتب
جامعة الملك عبدالعزيز > كتبهم ناااار فوق 300 ريال وكل شوي مغيرينها على حسب النفسيه والمزاج

المحاضرات وتوزيع الدرجات :
جامعة الملك فيصل > محاضراتهم تقدر تحملها ويعطونك واجبات في برنامج البلاك بورد وتقسم الدرجات على حسب الواجبات والمشاركات والأختبار وبالنسبه لحل الواجب أي وقت عادي يعني مراعين ظروف الطالب و70 % على الأمتحان
جامعة الملك عبدالعزيز > برنامجهم السنترا فاشل بمعنى الكلمه و100 % على الأمتحان يعني مايمدينا نمسك أو نضمن درجات على الواجب أو المشاركه مع الدكاتره وقت المحاضرات

أماكن الأختبارات :
جامعة الملك فيصل > توفر أماكن عديده للأختبارات وبدون رسوم وهي مجاناولجميع السنوات واللي يحضرني الآن مدينة جده والرياض والدمام وأبها والأحساء وحائل والمدينه والحفر والنعيريه ورابغ وينبع وجيزان ونجران والجبيل وكثير لم أذكرها
جامعة الملك عبدالعزيز > لاتوفر أماكن للأمتحان غير في جده والرياض والدمام وأبها وبرسوم خياليه وهي 1000 ريال وهذا فقط لسنه التحضيريه وباقي السنوات لازم الحضور لمقر الجامعه في جده والأمتحان فيها

التخصصات :
جامعة الملك فيصل تخصصاتها أكثر من جامعة الملك عبدالعزيز واللي يحضرني هو تخصص التربيه الخاصه وإدارة الأعمال


حرام هالظلم والله مايرضى بكذا , الله سبحانه حث على العلم والتعلم وأحنا أكبر دوله منتجه لنفط ومن أغنى دول العالم
يامسئولين الرسوم الدراسيه ورسوم الكتب ورسوم أماكن الأمتحانات كبيره جداً .

أحنا مانطالبكم تخلونها بلاش , بس نبي المساواة مع جامعة الملك فيصل .

أقسم بالله وبعزته وجلاله اليوم الصباح راسلت الدكتورمحمد الفردان عميد القبول في جامعة الملك فيصل عساس أحول لهم ورد علي بعدها بساعتين بأنه يجوز لك التحويل ولكن لا نعادل لك المقررات
^^ ولي شهور اراسلكم وأطالبكم ياجامعة الملك عبدالعزيز ولا حياة لمن تنادي

كرهتونا بالدراسه ,

أنا مواطنه ولي حق الدراسه مجانا أو برسوم رمزيه مو 3000 ريال وكتب فوق ال300 ميه وأختبار مناطق ب1000 , مافرقتو عن الجامعات الأهليه والمعاهد ,

والله عاد يالشهاده لا تخرجت بتوظف على طول , والله ماتجيني الا عقب حب الخشوم وحلق الشارب

ماقول غير حسبي الله ونعم الوكيل هالموضوع كثير شاغلني ويمكن أنسحب وأسجل في جامعة الملك فيصل على الترم الجاي وأوفر على نفسي المصاريف والحوسه واللخبطه وصعوبة أنظمتهم

أتمنى لكم التوفيق وأنا معكم قلباً وقالباً أي شي تبونه حاضره تبون فزعه تبون معززه ماعندي أي مشكله قدام قدام