[بحر الحرية]

المشاركة الأصلية كتبت بواسطة لندنية راح أقول رايي وأولا وأخيرا هو مجرد رأي أنا راح أتكلم عن المعامله بس مو عن اي حاجه تانيه أنا مع كاتب البريد في بعض النقاط بس راح اتكلم عن نفسي وبواقع إني قضيت فترة طويلة من حياتي في بريطانيا وأمريكا والسعودية احنا مسلمين مؤمنين بالله سبحانه وتعالى ومرجعنا الأول والأخير كتاب الله وسنة نبينا محمد عليه أفضل الصلاة والسلام بس للأسف (نادرا ) ماالاقي تطبيق لديننا سواء في حياتنا ,تعاملنا ,,الخ في بريطانيا عندهم عاده دي من زمان بس طبعا بدات (تنقرض حاليا) وهي انك لما يجي نظرك بنظر شخص ما اي شخص لازم تبتسم ومو حلو انك تناظروا بوجه عبوس بس دا الشي عندنا من قبلهم ومن قبل مايعرفوه والدليل : وعن أبي ذر -رضي الله تعالى عنه- قال: قال رسول الله صلى الله عليه وسلم: تبسمك في وجه أخيك لك صدقة، وأمرك بالمعروف ونهيك عن المنكر صدقة، وإرشادك الرجل في أرض الضلال لك صدقة، وبصرك للرجل الرديء البصر لك صدقة، وإماطتك الحجر والشوكة والعظم عن الطريق لك صدقة، وإفراغك من دلوك في دلو أخيك لك صدقة أخرجه البخاري في الأدب المفرد والترمذي وابن حبان. يعني احنا المسلمين المفروض نبتسم للغيرمو العكس (البعض) الله يهديهم وجهوا كانوا خارج من مضاربه ويخاصم دا ودا واستغفر الله حالتوا حاله شي تاني بخصوص معامله الانسان ودي النقطه مهمه احنا الحمدلله ببلادنا ومعاملتنا لبعض ولا احسن بس للاسف البعض اشوف معاملتهم مع العماله الاجنبية لاتعليق!! استحقار واهانه وكانوا دا العامل الله يعزكم حيوان لولا الفقر واحوالهم المادية ماكانوا جوعندنا انا اقول البعض والحمدلله انهم قليييييييل بس لازم نوعي بعض لانو منجد هناك مافي تمييز بين اي احد انت جاي تشتغل براحتك تحمل اي جنسية عاادي ودا الشي المفروض احنا نطبقوا فين راح حديث الرسول صلى الله عليه وسلم ( لا فرق بين عربي وأعجمي إلا بالتقوى " . طيب لو جيت وتكلمت عن المعامله معامله ولا اروع بس اولا واخيرا هوا كافر يعني دي المعامله المفروض تكون مني انا المسلمه لان ديني يامرني بالمعامله الحسنة لما تعمل عمل نادرا ماتسمع شكرا الله يعطيك العافيه ربي يوفقك الخ إنما الدين المعامله بس اولا واخيرا احمد ربي اني ولدت مسلمة كتابي القرآن الكريم حديثي سنة رسولنا محمد صلى الله عليه وسلم وبالرغم التطور اللي عايشينوا بالغرب والحاجات اللي يمكن تعجبنا الا انو فوق دا كلو حاجات كتير مخفيه عننا ومساوئ تغطي على حسناتهم واولا واخيرا يكفينا فخرا اننا مسلمين بس احنا ناقصنا بس شي واحد اننا نرجع لديننا ونطبق احكاموا لااننا للاسف ابتعدنا عن كتاب الله جل جلاله وسنة نبيه عليه افضل الصلاة والسلام تقبلوا مروري

إذا جاء موسى وألقى العصا * فقد بطل السحر والساحر

شكرا لك على كل عبارة كتبتيها.

احترامي وتقديري لك أختي؛؛