[THE EXPERT]

المشاركة الأصلية كتبت بواسطة جوزائيه الحمدلله لم اتعرض لمثل هذه المواقف يمكن لاني مغطية عيوني ^_^ او يمكن لاني مالاحظت او انتبهت لمثل هذا وانا اشوف الحل لمثل هذه النظرات التطنيش والتجاهل..

يا سلااااااااااااااااااااااااام عــــلـــي هـــــذا الــــــــرد
أقـف أحتراما لكل حرف كتب في هذا الرد ... وأكيد ماراح تلاحظين هذي الأمور ... تدرين ليــه ؟؟.... لأنك منتي شغاله تتلفتين يمين يسار وكانك رادار مراقبه جويه ... أساسا ماراح يتجرأ أي سربوت وغزلنجي ويطالع فيك لأنك وبكل اختصار محترمه نفسك ومتغطيه صح وبالتالي سيستحي كل شخص يقف بجانب سيارتكم .. بل من المكن أن يدعي لنفسه ويقول ( يارب أرزقني زوجه محتشمه مثل اللي في السياره اللي جنبنا ) ....أسأل الله أن يكثر من أمثالكـ


أحب أشكر الأخت الفاضله صاحبة الموضوع على هذا الطرح الجميل الذي تبحث من ورائه لحلول لهذه المشكله .. وجت الردود عجيبه من بعض الأخوات ... كل وحده تقول تحرشوا فيني .. يعني حسوا ان فيه ناس تطاردني <= شر البلية مايظحك



طبعا جميعنا نتفق ان النظر للجنس الاخر عند الأشارات وغيرها محرم في الأسلام ... وقلة أدب وعيب في عرف مجتمعنا ...


لا يمنع مثل هذه التصرفات إلا شيء واحد فقط وهو الوازع الديني <== من وجهة نظري الخاصه




طيب شوفو هذي الصوره وخلونا نفكر فيها ونضع فرضيات لهاا ...











طبعا البنت راح تقول / اووووووووف على الشباب اللي يضايقونا في كل مكان حتى في سيارتنا وأحنا متحشمات يضايقوناااا < == يعني أنا ماودي ( مع ان الصوره تتكلم )


الولد / والله البنات يخقوووون معي أذا وقفت عند الأشاره بس يطالعون فيني ومايدرون أني محجوز ولا يمكن اني أعطيهم وجه <== يعني انا ماودي ( مع ان الصوره تتكلم )


طيب والحل

1 - نفرض لو ان البنت اللي في الصوره متغطيه بالكامل ولا تطلع عيونها ؟ ولا جلست تطالع للسيارات اللي جنبها ؟ وخافت الله وتذكرت أنه فيه عقاب يوم القيامه .. وتخيلوا لو ان الشاب ملتحي ويخاف الله ويعلم ان هنالك عقاب يوم القيامه ؟.. ( فمن المؤكد ان النتيجه ستكون كل شخص فيهم راح يطالع لقدام وممكن يشغلون هذا الوقت بالتسبيح)

2 -نفرض لو ان البنت اللي في الصوره كماهي عيونها طالعه وجالسه تتلفت يمين يسار ... واللي في السياره الأخرى شاب ملتحي ومشغل القران وجالس يسبح ..(فمن المؤكد انها راح تستحي على وجهها وراح تبطل قززز وراح تشغل نفسها بأي شيء ااااخر غير انها تناظر للخلق )

3- نفرض لو ان البنت اللي في الصوره متغطيه صح ولا تظهر عيونها ومتحشمه ولا تناظر للناس ... وجاء جنبها سربووووت وغزلنجي ... (فمن المؤكد أنه راح يستحي على وجهه وراح يبطل انه يناظر للبنت هذي لانه من المؤكد بيطالع لسياره أخرى فيها وحده جالسه تتلفت وعيونها طالعه والا وجهها كاشف )

4- لو ان البنت عيونها طالعه وجالسه تتلفت يمين يسار وكأنها مضيعه شيء ..مثل البنت اللي في الصوره .. وجاء جنبها سربوت وغزلنجي وعنده فراغ عاطفي يوظف كل شباب السعوديه .. مثل الولد اللي في الصوره ... (فمن المؤكد ان النتيجه راح تكون تبادل نظرات وممكن يتطور الوضع الى ماهو اسوأ على حسب مدة الأشاره وزحمة الشارع ودلاخة السواق اللي راكبه معه البنت )

لو نلاحظ من الأربع الفرضيات السابقه أنه في حاله واحده فقط وقع المحظور وهو عندما توافقت الرغبات وأبتعد الشخصين عن الوازع الديني .. وغير ذلك لن يقع المحظور

أرجع وأقول ان المانع الوحيد في هذا الأمر هو ( الوازع الديني )...

في الختام
اللهم اهد شباب وبنات المسلمين لما تحبه و ترضاه
اللهم اعزهم بالاسلام و اعز الاسلام بهم