[علي العسيري]

محابر النصره : ماعمرك سمعت بعصامـ المهندس اللي راح يدرس تشغيل أدوات طبيه ...واعتقلوه ... ولا ماسمعت بحميدان التركي ...و...و... القائمه تطوول ...

بلى ياعزيزتي اعرف عصام المهندس الي راح يدرس عندهم وقدام عيونهم يمدح ويمجد في الارهابي بلادن وابومصعب الزرقاوي وهو الامر الذي اثار شكوكهم فيه وهل تعرفين انتي ماهي ديانة المحاميه التي اجتهدت حتى جلبت له البرأه من تهمة حمل المتفجرات والارهاب ؟!!
حميدان التركي (فك الله اسره ) اخونا فالله محتجز جواز الخادمه في جيبه ويطالبها بمواصلة العمل 24 ساعه بدون راحه ومنومها في غرفه ارضيه بمفرش صغير على الارض !! ويحسب اخونا فالله انه هنا في بلاد العرب وهالامور تعتبر من كمال الرجوله عندنا وابد لايمكن احد يحاسبك عليها حتى اقرب الاقربين ولو مجرد مناصحه !!
لكن عندهم عزيزتي المقاييس للانسان تختلف عن هنا فاحتجاز جواز الخادمه ومنعها من اخذ قسط من الراحه خارج وقت العمل وحبسها ومنعها من الخروج والتحكم في حريتها ............... هذي جريمه عندهم تسمى (العبوديه ) وانتهاك الحريه وهي مثل الكفر والخروج من الاسلام عندنا واحكامها مغلظه . اظف اليها عدم تقنينه لساعات العمل لهذه المسكينه والتي نتعامل معها نحن المسلمين !!! على انها مخلوق عجيب فيه قوه خارقه يجب تشغيله ليل الله ونهاره بلا رحمه ولاشفقه لمدة 24 ساعه !! لا والطامه الكبرى عندهم هو عدم تهيئة مكان مناسب للنوم والراحه يليق بالادمي العامل !!!
وحينما طلب منه القنصل مغادرة الاراضي الامريكيه اخذ اخونا فالله يتبجح ويرفض متحججا بالنظام وكأنه اعلم بالنظام الامريكي من السفاره نفسها !!!
مع انني ادعو الله عز وجل ان يفك اسره كل ما سمعت سيرته , الا انني احب الانصاف والكلام بعقل بدون تعصب وكأننا نحن المسلمون فقط ... امريكا نفسها فيها مسلمون افضل حالا وانضباطا وصدقا وعدلا منا ( هذي حقيقه ) ,,

ولو اخذنا بقياسك هذا كان من الاولى اعتقال اكثر من 200.000 سعودي يدرسون على اراضيها !!! ليه ماعتقلوهم والا ماهم مسلمين ؟!!!



بالنسبه للفتى (فيصل ) على كيفك انت تحدد ان كنت انا مغسول مخ او ماني مغسول ولا اصولنا يهوديه ومايهوديه ,,