[دنيا جديده]

المشاركة الأصلية كتبت بواسطة amo0olah أشكرك أختي دنيا جديده على الموضوع واحترم رايك في كل اللي قلتيه بس اعتقد من حقي اتكلم عن اللي بشوفو أولا: احنا صح كلنا وافقنا على اننا ندرس بنظام الانتساب وعارفين انو فيها رسوم وهيا 3000 ريال لكن انو ندخل الجامعة ونلاقي انو في طلاب او طالبات من اول ترم في الجامعة واللي من الترم الثاني يكون معاهم واسطة سواء دكتور او موظف ويجيلو اعفاء وهما مو محتاجين اما احنا محتاجين بس ندخل ونسمع ان وفي اعفاء فطبيعي نقدم على الاعفاء لانو وضعنا وحالتنا تسمح انو ننقبل بس نتفاجئ انو طلبنا مرفوض والسبب ( غير معروف ) ممكن تفهميني ليش التفرقة والعنصرية دي؟؟؟ ليش في ناس تاخد اعفاء وهما مو محتاجين للاعفاء وناس تحتاج كل ريال عندها وماينقبل طلبها؟؟ يتبع.....

المشاركة الأصلية كتبت بواسطة amo0olah ثانيا: مسألة الرسوم دي ماراح تخلي الجامعة تفلس وربي انو مو محتاجينها بس خلينا نقول انها لمشاريع مع انو مو شايفين ولا مشروع في الجامعة لصالح الطالب ثالثا: موضوع محاظرات السنترا انا اعرف وانتي تعرفي والكل يعرف انو محاظرات السنترا اختيارية وليست اجبارية طيب ممكن تفهميني ليش يربطو موضوع دخولي للمحاضرات الاختيارية بدفعي للرسوم؟؟ المفروض من رايي انو دام المحاظرات اختيارية خليها مفتوحة يمكن اشوف انو المحاظرات او الددكتورة اللي حطوني معاها مو مناسبة فيمكن الغي الترم دا كلو فليش ادفع وانا ماححضر ؟

المشاركة الأصلية كتبت بواسطة amo0olah يتبع.. فهميني يا صاحبة المشاريع اللي تدخل ذهب زوجي بصراحة ماعندو الا اللي يعيشنا لاخر الشهر ويمكن في اخرالشر مايبقى معانا ولا ريال ممكن تفهميني من وين اجيب راس المال؟؟ لو حصرف 500 ريال في المشروع وماعندي موهبة زي موهبتك من فين اعوضها؟؟؟ ممكن تردي وبكل صراحة على الاستفسارات ياصاحبة الجلالة

المشاركة الأصلية كتبت بواسطة amo0olah ونسيت اقلك احنا بندفع 3000 ريال للدراسة لكن نجي ندفع 700 ريال للكتب فقط المفروض انو الكتب توزع للطلاب والطالبات من الرسوم الدراسية

المشاركة الأصلية كتبت بواسطة amo0olah اخر حاجة دامك دافعتي عن الجامعة برجاء منك توصلي للجامعة انو يلغو مسالة الاعفاء نهائيا عشان لاأحد ياخد والتاني لا بالعربي الواسطة تاخد واللي ماعندو يشحت ويدبر نفسو ( ودا اللي صاير )

باك للموضوع

اولا انا مادافع نهائي عن الجامعه لكن احترم مكانتها ببلدي
وثاني شي انا ماركزت ع المواهب لجذب المال ووضحت طرق كثيرة
وقلت راح انزل موضوع للفايده لكم ولغيركم

بالنسبه للسنترا اختياريه في البداية
لكن الان راح تطبق
والسنة المقبله مافي انتساب نهائي يعني كلنا سنترا

وبالنسبة للواسطه موجوده حتى داخل بيوتنا فلا تتوقعي اننا نقدر عليها

فهميني يا صاحبة المشاريع اللي تدخل ذهب

ممكن تردي وبكل صراحة على الاستفسارات ياصاحبة الجلالة

اولا اشكرك ع كلامك
انا مو صاحبة مشاريع لكن راح اكون بأذنه تعالى
والحمد الله الجلال لله سبحانه وتعالى

اتمنى تنتظري اليوم موضوعي بخصوص المشاريع المنزليه
وان شاء الله ربي يرزقك ويغنيك عن اعفاء وغيره

تابعني ^_^