أهلين أختي سوزي..
بالنسبة للمصورف لطالب في الثانوية كل شي متوفر له مررررة كتير 300 ريال ف الشهر، انا عن نفسي كان الحمد لله كل شي متوفر لياا لدرجة انوو في اشياء ما سرت احس بطعمهاا لانهاا على طول تجي بدون تعب، وحلاوة الشي لمن تتعبي فيه..
مع كداا ما كان لياا مصروف شهري خاص نهائيا، لكن اللي كان لياا زي حاجة معقولة ف اليوم، لأني زي ما قلتلك كلللل شي متوفر لياا الحمد لله، من ملابس اكل اشياء خاصة زي الجوال العطور الساعات واللي ابغاه كان الحمد لله موجود، فما كان فيه مصروف خاص فياا..
الكلمتين دي حقلك هياا من تجربتي اناا:
اناا اختلطت مع كتيييير، مدخنين وغير مدخنين -وغيرهم طبعاا بس بما انوو عن التدخين فحتكلم عنها- لازم الام والاب يعرفوو انوو الشي اللي يبغاه ولدهم ف المرحلة دي لو يبغى يعلموو والله حيعملوو رضيوو ولا ما رضيوو..
انا عن نفسي اهلي لهم قيمة ف حياتي مرررة كبيرة، فكان من الصعب اني اعمل شي يزعل اهلي..
الحاجة التانية: الشي اللي مني مقتنع فيه لايمكن اني اعملوو، وماا اعملوو الا لمن اقتنع اني اسويه..
يعني لو ف يوم اقتنعت اني ادخن، اناا اقلك راح ادخن..
ما اقتنعت بإذن الله ابداا ما راح اعمل الشي اللي مني مقتنع فيه الا لحاجة فوق طاقتي..
لكن كون اني والله قاعد امشي مع فلان وعلان وهماا اللي يأثروو فياا، دي ابداا مو عندي مررررره..
يعني حتى ايش اقلك: انا اختلف كتييير مع عبارة الصاحب ساحب ومني عارف ايش..
طيب اناا كنت امشي مع اصحابي، بس ما كان احد فيهم يأثر فياا، انااا اكبر واحد يأثر فيهم..
متى تصير الصاحب ساحب!!
لمن 15 سنة يكونووو اهلوو ما قدموو فيهاا شي لولدهم، ما ربوه صح، وقتهاا مو الصاحب ساحب وبس، الا اي احد ف العالم راح يكون ساااحب!!
والمشكلة بعدين يجوو ويقولولك الاولاد فيهم وفيهم ومني عارف ايش..
الولد داا اداا اهلوو طبعاا موفرين كل شي وما ينقصه شي، ف 300 ريال كتير مررة الا لو كان اللي ياخدهاا عاقل، بس هماا اكتر ناس يقدروو يحكموو عليه..
المراقبة والخصام والكلام داا كلللللللللللو ما يجيب غير المشاكل ويعقدهاا اكتر واكتر..
يعني بما انوو اهلوو عرفوو انوو يدخن، لازم يقبلوو الواقع، لازم يحسسوه انهم خايفين عليه، وينصحوه باحساس وقلب وعاطفة، واهم شي يحسسوه انوو هواا مقبوووول بينهم، لكن هماا مو راضيين عن الشي داا..
يعني مو يبينوو الكره وبعدين يقولوو بطل!!
وتبدأ بالاقناع، ف الغالب صاحب الفكرة الصح هواا اللي يقنع اكتر وخصوصاا ف الشي داا..
الولد دحين عمروو 18 سنه، لو اقتنع وبطل ف الحمد لله وعملت الام اللي تبغااه..
طيب ما اقتنع ومابطل؟!!
لاااااااازم ما يخلوو بينهم وبين ولدهم اي فجوة، يعني مسلا اللي يدخن ما ساار انساان من كوكب تاني، ولا ساار انسان متفسخ من الاخلاق، لكن المهم انوو يسير عاقل شويه، ويعرف ضررو ومصلحتوو فين..
اناا بكلمك عن صاحب لياا ما حقلك بطل يدخن، بس ع الاقل قلل كتيييييييييييييييييييير من اللي كان عليه ف الاول..
ولا عمري استخدمت معاه اني انصحوو واقلوو صحتك..
كنت بقول معاه اشياااء وصعب اقولهاا هناا ف المنتدى لاني اعرف انوو حيجي اللي يقراهاا ويعمل عليهاا زحمة، بس الحمد لله كنت سبب اني اخليه يقلل كتيييييير ويتغير ف حياتوو كلهااا..
خليهاا تحط ف بالها:
انهاا لو ما قبلت ولدهاا وحاولت تعدلوو وتتفاهم معاه بالطيب وتحتويه، تراا حيجي اللي ياخد ولدهاا ويحتويه اكتر منهاا بس طبعاا ف الشي العكس من الام!
ولا تقلب عليه 180 درجة ف يوم واحد، يعني الشهر الماضي 300 والشهر الجاي مافي ولا ريال عشانك تدخن!!
ترى زي ما قلتلك اداا مالقي من الاهل راح يلقى من الشااارع!
والاهل لازم يكونوو يعرفوو يتعاملوو مع ولدهم كيف، لانوو ربناا اعطاناا عقل وفكر، يعني مو معقول عشان تربيه تقوم تحزن عليه وتديه لين يضيع وبعدين تقول ولدي ضااع!!
ولا معقول انهاا تشد عليه وتقسى عليه وبعدين تقول ولدي ضاع!!
لازم يكون كل شي بالتفاهم والاخد والرد ووجود العقل بحيث انوو ما يستغفلهم ويستهبل عليهم!!
يعني عندي اهلي ممكن اعمل اللي ابغاه، بس من يوم استهبل عليهم او استغفلهم
يصير الشي اللي ما اتمنااااه هههههههههههههههههههههه
يعني في احد ورد، فيه ليش تسوي وليش تسوي..
يعني يوم كان عمري 16 لو قلت لاهلي ابغى ادخن!!
حيكون في اخد ورد وليش وما ليش!!
بس بعد كللللللللل كلامهم لياا لو ما اقتنعت، ف ما راح يقولوو لا تدخن!!
راح يقولولي روح ف الشي اللي تبغااه ومقتنع فيه..
وداا الشي اناا جربتوو ف حاجاات اكبر من التدخين وخلوني اعملهاا، بس بعضهاا ندمت وبعضهاا فيهاا اقتناع ومافيهاا..
بس طبعاا دحين اتغير الوضع كاااااااااااااااامل بطبيعة الحال.. لدرجة اني ااناا حسيت بالتغير واتمنى الايام اللي كنت فيهاا ترجع تاني بس عشان اخد واعطي معاهم زي اول..
يمكن فيه حاجة بسيطة من اللي كانت اول.. بس طبعاا مو كلهااا!!
الله يوفقكم ويسهل عليكم ياارب ويخترلكم اللي فيه الخير خيتوو سوزي؛؛