[صمت الوقار .]

المشاركة الأصلية كتبت بواسطة &فروتي& سلام كيفكم بنات انا عندي استفسار علي محاضرات (سنترا) انا في المستوى الخامس ونزلي مادة وماني عارفة كيف الطريقة الى يعرف يشرحلي بلييييز جزاكم الله الاف خير وكون شكرا لكم

هلا والله بفروووتي العسولة تأخرنا حيل لكن إن شاء الله يفيدك ... http://www.skaau.com/vb/showthread.php?t=267834
وحياك بس إذا عندك طلب عاجل بعد كذا أرسليلي ع الخاص لأني ممكن دوام الإنتساب ما أقدر أدخل كتير ...

المشاركة الأصلية كتبت بواسطة ميمو الغلا هاااااااااااااااي صبيايا بليييييز خدمه انا طالبة انتساب وجاني رساله فيها رابط حق الدورات لطالبات السنه التحضيريه هذي الدورات مهمه ولا لا واذا اشتركت فيها هي عن طريق النت ولا لازم احضر بلييييييييز ردووو علي <<<<فيس متوهق

حياك مييمو الغلا كله ... مش شرط تحضري الدورات هذي .. بس الأفضل لك بكتير إنك تحضرية وهو ماهو إلزامي .. وتقدري تسجلي فيها عن طريق النت .. وياهلا ..

المشاركة الأصلية كتبت بواسطة ~بنت المدينه~ مرحبا أنا حابة أستفسر عن التخصصات الموجوده لطالبات الإنتساب وهل يوجد الان تقديم لاني أنا من المدينة و سحبت من جامعة طيبة و أبغا أكمل دراستي في هذه الجامعه بس إنتساب يمديني أروح لان و أقدم ولا قفل التقديم ؟؟ الله يسعدك جاوبيني في أسرع وقت يديكي العافية تحياتي :)

حياك الله أختي بنت المدينة .. التخصصات للإنتساب تلقينها هنا بإذن الله يفيدك دا الرابط ..
http://www.skaau.com/vb/showthread.php?t=80009
أما التقديم الآن إنتهى للأسف بس بإذن الله إذا سمعنا عن تسجيل راح نخبركم به وشكرآ .

المشاركة الأصلية كتبت بواسطة سفيره الحب شكل ربي راسلك لي ههههههه انا ما اعرف شي بالجامعه ولا حتى جيتها بس سجلت وانقبلت وماني عارفه اخذ الجدول يرسلون رسايل على الجوال افتح الملف مافيه شي تكفووووووووووووووون ساعدوني مالي غيركم

يااااااااسفيرة الحب .. توني اللي أفتح وأشوف ردودكم .. عذرآ بس وش كنت بقوولك .. آمري وش تبين تعرفين عن الجامعة وحنا مستعدين ... أنتظر كل طلباتك ... لاتستحي خذي راحاتك مع أختك صموته

المشاركة الأصلية كتبت بواسطة فاطمة الرشيد الله يعطيكم العافية بناااات مااقصرتواااا بماا انكم هنا كلكم طالباات انتسااب حابه اسال لاني تعبت وانا اسال ومووعارفة وش وضعي ولااقدر اروح كل يوم الجامعة اشوووف وتخيلوا اني رحت وسالت قالولي مانعرف المهم انا انتساب دفعه 10 خطه ب وخلصت السنة التحضيرية كلها العام الماضي لاكن للاسف حملت 4مواااد وهذي السنة سددت الاقساط طبيعي ونزلي جدول بالمواد اللي حاملتها ومكتوب في الشعبة والمبنىtbaفمني عااارفة هل هذا الترم رح اداوم محاضرات في الجامعة زي السنة اللي فاتت ولا لا بس بالنت سنترااا؟؟؟وايش الفرق بين السنترا والدورة التاهيلية؟؟وكيف اسجل ؟؟وهل اجباري التسجيل فيهااااا يعني بدرجااات؟؟؟ وحتى مني عارفة وضعي هل لسه اعتبر سنة تحضيرية ولا كييييييف؟؟؟ اسفه ادررررررري مررره طولت عليكم اعذروني بس والله حايسه ومدري ايش اسوي

أختي فاطمة الرشيد طاب صباحك .. دفعة 10 دي السنة مالهم دوام بالجامعة ... والسنترا هي عبارة عن قاعات صوتية أما الدورة التأهيلية .. دي للدفع القديمة اللي هوا حضور بالجامعة .. ومش إلزامي التسجيل بالسنترا لكن الأفضل إنك تسجلي فيها عشان تتابعي دروسك ومحاضراتك أول بأول وتستوعبيها والمعلمة عندك إذا بغيتي أي سؤال وكدا يعني ولا هو ما أعتقد إن فيه درجات لأن في ناس ماعندهم نت .. وتعتبري سنة تحضيرية لأن معك 4 مواد لما تغلقيها تتخصصي بحول الله ويااااااااااارب التوفيق والسعادة صوبك دايم ...

المشاركة الأصلية كتبت بواسطة ميمو الغلا سفيرة الحب انتي اجل مثلي نفس التوهيقه خخخخخخ انا خذيت الكتب انا خطه (أ) بس الجدول ما عرفت من وين تهي تهي تراااا اذا ما رديتو علي بفصل >>>قالكم تهدد هع هع

أبد ولا تهددي ولا شيء بس وربي ندري لاعصبتي ماترحمين هههههههه طيب شوفي الرد عندك فوق على سفيرة الحب وبالنسبة للجدول تاخذينه من الأودس مدري إذا كنتيتعرفينه ولا لأ .. (( نظام الخدمات الأكاديمية طلاب )) بس ها يبغالنا ضرب كمان ؟؟ ههههه بالتوفيق ..

المشاركة الأصلية كتبت بواسطة بقايا أنسان بنات انا السمستر الافات درست خطه أ كانت احصاء وانقلش واتصال وتفكير وشايفه جدول البنات هالترم خطه أ المواد الاباخذها الاهو رياضيات وانقلش وثقافه وحاسب مهارات لغويه ولانى للحين ماسددت الرسوم مانزل لى الجدول ويوم دخلت على السنترا اشوف المحاضرات لقيت محاضرات للاحصاء والانقلش تبع خطه ب وحاولت اسجل بدوره الحاسب وكل مادخلت الرقم الجامعى يطلع لى غير مسجل عندهم وش السووواه بليز ردوا على وبنات قالوا لى ان مسمى الخطه مايتغير المواد الاهى تتغير يعنى انا خطه أ بس االانقلش مستوى ثانى بليز الامن نفس الخطه تبعى تقول وش يصير معاهم وكيف اقدر اسجل بمعهد العالميه الله يخليكم ردوا على متوهقه بالمره ويارب انقبل بالاعفااااااء وارتاح من همى دعواتكم لى

ياحياك الله أختي بقايا إنسان بالنسبة لجدولك ترى ذي لخبطة معهودة وروحي لهم بمبنى 3 هم راح يصلحونه لك ..بالدور التاني حقون الإنتساب وبالنسبة للحاسب برسل الرابط ع الخاص لأني دحين خاشة بالمكتبي وأنا حاطته بمفضلة اللاب .. و يارب يطلع لك إعفا وترتاحييين ياااااااارب وتفرحين به عاجلآ غير آجل وييسر لك كل أمورك .. إنه ولي ذلك والقادر عليه .. يارب آمين ..

المشاركة الأصلية كتبت بواسطة لولو 1400 لسلام عليكم عزيزتي صمت الوقار من جد سار نفسي اشوفك في الجامعة يا عسل ابسالك كيف اعرف عن الدورات اللي بالجامعة ؟ كيف اعرف متى يبدا التسجيل في صنعي بيدي؟ وبالنسبة للنادي الرياضي هل في رقابة على اللبس ولا لا؟

صباح النور لولو الصغيرة كيفك؟؟؟حتى أنا ودي أشوفك .
الدورات كل ما إستجدت دورة حطوها بلوحة الإعلانات بالمبنى ال13 أول ماتدخلي عند غرفة 2 وبنهاية الممر عند غرفة الإستشارات دورات كتيييييييرة وحلوة ومجااانية ...
التسجيل بمركز صنع بيدي روحي لمركزهم نفسه اللي جوات النادي الفني ...أدخلي الفني وأسألي وبيقولون لك لأنها غرفة ومكاتب جوات بعضهم ..
والنادي الرياضي أكيد فيه رقابة باللبس ...هااااااا وش ناوية له ؟؟؟ إعترفي ؟؟هههه إيه في رقابة ..وأفضل كمان ..

المشاركة الأصلية كتبت بواسطة Suzi يآربي كنت بروح اليوم ومدري وش صآرلي صموتة يوم الاثنين لما آتجمعنا مارضيو يدخلوني يقولو 108 مايدخلو دقيتها مشي من الشمآليه للغربيه 2 يآربي من جد تعبت الحمدلله يمدي السبت كل خوفي انهم مايدخلوني )=

سوزي يدخلونك عادي .. قوليلهم مسجلة بالنادي وعاادي يدخلونك سأكون بإنتظارك .. وشكلك مرة تعبتي المرة اللي راحت ... الله يعين ..

المشاركة الأصلية كتبت بواسطة اماني الطائف <B> السلام عليكم .. الله يديكم العافية صراحة موضوع روعه </B> كنت أبغى خدمة محتاجة ذي الكتب للي انهت المواد ذي القياس النفسي - توجية وإرشاد نفسي علم نفس عيادي - ت.النفسية لوسائل الإعلام وراح اكون ليها شاكرة

أختي أماني الطايف مرحبآ بك ... بالنسبة للكتب دي أسألي عنها بقسم علم النفس وبيردون عليك والله ماعندي خبر عنهم .. بس أحاول أسأل لك عندي كم وحدة من صحباتي علم نفس .. وبالتوفيق يارب و تحصلينهم بسهولة إن شاء الله .

المشاركة الأصلية كتبت بواسطة خوارزميه بليييز ساعدوني انا مو في جده ممكن تسألين لي متى اضيف ماده اختياريه الحين ولا وقت الدوره التأهليه

أهلين أختي خوارزمية ... إنتي إذا كنت إدارة وإقتصاد أو آداب ومسددة تقدرين الحين عادي .. ومافي أي مشكلة هاتي رقم المواد اللي تبينها ورقمك الجامعة وبياناتك وبإذن الله بروح لقسمك يضيفون لك اللي تبيه .. وآمري ..

المشاركة الأصلية كتبت بواسطة ::Harmony:: هههههههههههههههههههههههههههههههههههههههههه لا لا لااا يا صمت روحي مترحله مو متجنسه هههههههههههه لا تغلطي p: صمممت .. في شي ابا اتاكد منو في موضوع السنترا لو تعرفي !! دحين سمعت انو البنات اللي عندهم ماده او اتنين من المستوي الثالث ياخذها سنترا مالهم دورات وانو النظااام حيمشششي يعني السمستر الجاي حيصير المستوى الرابع سنترا وبعدو حيصير الخامس وهكذا يعني مثلا وحده في المستوى السادس وعندها ماده من المستوى الرابع لما تجي تاخدها حيكون طبقو السنترا على السمستر الرابع .. حتنجبر تاخدها ع السنترا ؟؟ او عشانها من الدفع القديمه مالها سنترا لانو احنا الدفع القديمة اتعودنا على نظام وصعب يجو دحين نتخرج ع نظام ثاني يارب يكون دا الكلام مووو صحيح !!!

هلا والله هاااااااارموني حرام عليك ليه الترحيل والجوازلت ؟؟ هههه طيب ياستي السنترا راح يطبقونه ع الكل الدفع الجديدة والقديمة إذا كان عندهم مواد من المستويات اللي شملها السنترا وعجلي خذي مواد المستوى الرابع دحين كلها لأنها بتصير سنترا بعدين فألحقي بسرعة وخلي مواد 3 لأنها أساسآ صايرة سنترا حتى لو ماخذيتيها دحين ماراح تتغير خلاص ... للأسف يعني وبث .. بالتوفيق ..

المشاركة الأصلية كتبت بواسطة انجلينا من جد لييييييييييييش الله يعين الجميع

بجد إنجيليا الله يعييييييينكم .. وربي مرة زعلت على نظامكم دا .. الله يعينكم ويسهل لكم ويوفقكم يارب ..

المشاركة الأصلية كتبت بواسطة zainab صمت الوقار ..ايش اخبارك والجميع ؟ انا دخلت وشفت الموضوع والله الفكرة بالمرة حلووةونفسي بس ما اقدر شوفي اسمي لا تنسيني مع تحياتي

أهليييييييييييييييييين بزينب الحلوة أخيييرآ قابلتك بالمنتدى ياعسولة .. حياك الله هاااا عندك أي إستفسار ؟؟ تبي أي خدمة ترى أختك الكبيرة صمت حااااضرة لعيونك .. تدري يوم قرأت شوفي إسمي أول ما شفته ضحكت قلت أخيرآ تقابلنا ههههههههههههه يالله بحطك بقائمة الأصدقاء .. وأكيد ماراح أنسى إسمك .. أسعدني مرورك ...
بالتوفيق ...