اختي الكريمة والله انا ماعندي اي مشكلة الحمد لله انا مستوايا في الانجليزي يعتبر جيد جدا وبالعكس انا احب استفيد بس صراحة في ناس راح تنظلم في ده الموضوع اختي الكريمة انا ما بطالع للموضوع من زاويتي انا بس, انا بتكلم على الناس اللي مستواهم ضعيف جدا في الانجليزي كيف راح يدرسوا مادتين في ترم واحد ومع كذا لو قرأتي موضوعي كويس كنتي قريتي اني شجعت الطلاب مو العكس بس اختي الكريمة نص المنتسبين بيشتغلوا وعندهم بيوت فانتي من وجهة نظرك الشي ده مارح يكون تعب عليهم وكيف اصلا راح يقدروا يحصلوا منهجين في ترم مع باقي المواد
واخيرا من كل قلبي انا بتمنى التوفيق للجميع وصدقيني كنت واقعيه في طرح الموضوع بشكل كبير وفعلا هو خبر سيء بعد مااشترينا الكتب ومجموعة كبيرة مننا رتبت نفسها وعملت جداول للمذاكرة انه ينضاف معانا كتاب جديد وبالأخص خطة أ راح يكون الجهد عليهم اكثر مننا وربي ييسرها لهم ان شاء الله
|
هلا قلبوووو ..
انا فاهمه عليك ... بس عنوان الموضوع يخوف والله ويفجع .. انا لما قريته خفت قلت الله يستر .. ولما دخلت ماتحمست للموضوع مع اني كنت اتمنى كذا ..
شوفي اي احد وضعه وظروفه صعبه لازم يتحمل ولا ليش يدرس حتى لو عندهم بيوت في ناس وصلوا للقمه وهم متزوجين ومخلفين وبعضهم مظلومين هذا مو معناه انو ماعندهم قدرات ...
بالعكس.. طالما هم فرحانين انهم يدرسووا راح يتخطوا الصعاب بإذن الله ... لكن لما تكون في مواضيع زي كذا او صياغة عنوانها زي كذا صدقيني تحطم البعض اكثر مما تفيدهم .. والبعض ممكن من خوفه يترك الدراسه او تؤثر على مستواه هالكلمات التشائميه تخليه يشوف كل شيء صعب ومايذاكر زي الناس ويحوس حوسه اما من البدايه لو شاف ان كل شي سهل راح تمشي المذاكره والنفسيه تمااام ويخلص وهو تمااام :) اتمنى تكوني فهمتي وجهة نظري وماتزعلي مني :)