[نبـْض أخيـرْ]

وعليكم السلام اهلين ياستي..
شوفي حبيبتي..الرهاب الاجتماعي له اعراض جسميه زي ارتعاش الاطراف / التعرق / جفاف في الحلق/ زيادة نبضات القلب: الشعوربالحرارة في اليد والجسم والوجه/ احمرار الوجه / المغص
وممكن لو هو عندك ماتشوفي احد غريب وتجلسي ببيتكم شهر وماعندك مشكلة..
وفيه شيء ثاني الي هو / نقص المهارات الاجتماعيه .. كيف يعني ؟
انا اقولك.. يعني تخافي لمن تنحطي بموقف او ينقالك كلام ماتعرفي تردي الرد المناسب ؟ عشان كذا تتجنبي كل موقف جديد .. وهنا لازم تتعلمي المهارات الاجتماعيه + تجربي ولاتستحي ..
وبالنسبه للخوف لمن تعرضي برزينتيشن .. اذكر مرة شفت ببرنامج.. سوو دراسه في امريكا وكان السؤال وش اكثر شيء تخاف منه .. طلعت اكثر شيء يخافوا منه الناس ( مواجهه الجمهور ) وبعدها اظن الخوف من الموت وعلى مااعتقد هالدراسه كانت في امريكا.. يعني شيء طبيعي نرتبك امام الجمهور.. مدري اذا تعرفي الشيخ سليمان الجبيلان ؟
اذا تعرفي اسلوبه في المحاضرات وكيف تلقائي وطبيعي ؟
مره سمعته يقول اول ماطلعت بمحاضره كنت ارتجف وووو يعني شيء طبيعي اذا كان في المرتين الاولى او الثلاث..
وفيه شيء ثالث الي هو الشخصيه التجنبيه // هذي الي يشعر فيها الشخص اذا راح مكان ان الناس ماتقبله او انه اقل من الناس ؟
شوفي هالمقطع في اليوتيوب يمكن يفيدك ويخليك تعرفي وش الي عندك بالضبط .. مع اني متوقعه ان الي عندك مو رهاب
الي عندك قله مهارات اجتماعيه وقله احتكاك وتجارب

وحلو ان الشخص يكون شايف نفسه وملاحظ نفسه عشان يقدر يطوورها وذا شيء ينحسب لك ..
موفقه :)