الله يرضى عليك يا ياسر
الموضوع دا يعني لي مرة كتير
انا برأيي
بكاء الرجل في المواقف اللي تستاهل بكاه ما ينقص منه بالعكس
انا اقدر الراجل اللي ينزل دمعة في موقف يتطلب بكا
اقدر الراجل اللي يبكي في حضن امه او مرته
يحسسها بحاجته ليها
يحسس الي حوالينه انه عنده قلب
مش انسان قاسي المشاعر
بس الناس تختلف
زي ما ممكن تلاقي بنت جامدة وما تبكي وبنت دمعتها على طرف عينها ممكن تلاقي كدا في الرجال
بس الفرق انه اللي مش مقبول انه الراجل يبكي على اي حاجة دا اللي ممكن يخدش في رجولته
مرة افتكر شوكو الله يرضى عليها ( تدرس علم نفس )
قالت لي انه البنت دايما تبكي عشان من صغرها لما تبكي محد يكلمها
بس الولد لما يكبر يستحي يبكي وما يبكي
عشان من صغره يوم انه يبكي الأم او الأبو او اي احد بيقله عيب انت راجل الراجل ما يبكي
فصار شي نفسي
يمكن غلط بس فيها شي من الصحة
مشكور عالموضوع ومعليه كلامي كتير بس اتحمست
سلام
|