[Twix~}..]

الســلام عليكم ورحمـة الله وبركـاته ..

وعليكم السسسلام .. آهنن يآلبو ..

مراحب ياحلوين ..
حبيت استفير عن كم شغله تخص كلية الاقتصااد المنزلي وان شااء الله مااكون ثقلت عليكم باسئلتي

إن شاء الله كولنآ نفيدك بلي نعرفو .. :)

اول حاجه حابه استفسر ..
هل اقدر ادخل السنه التحضيريه في كلية حي السلامه وارجع بعدين احـول على جامعة الملك عبدالعزيز التخصص اللي ابغاه ..؟ والا الشغله صعبه من ناحية التحويل وتفضلون اني ادخل على طوول في الجامعه ..؟

ايوا يا عسسسلهـ تقدري تدخلي الي بحي السلامهـ وبعدين تحولي للجامعه وتتخصصي .. من ناحية صعبه الشغله ما اعرف والله بس ما اظن طالما جايبه معدل واخترتي التخصص تتحولي على طول للجامعه لانو دا الكلام اتقال لبنت خالو لما سجلووووها في كلية الشرفيه فراحت استفسرت وقالولها عاتي وقت التخصص ترجعي للجامعه ..

بس تعالي انتي للان ما اتسسسجلتي بمكان معين ولا ايشش ولا لسا بتدرسي ثانوي ؟؟!!<<< فيس حيرهـ

وكيف تدريس السنه التحضيريه في الكلية او الجامعه .. يعني اش افضل .. مع العلم انو الكليه صارت نفس نظام الجامعه يعني من ناحية المواد سوا ..

زي ما قلتي النظام حيكون سواااا في كل شي يعني الدراسه بالكليه زي الجامعه ما اظن في اي فرق بينهم ..

بالنسبه لطـالبات ادارة سكن ومؤسسات لما تقصدون المسار الادبي عشان ندخل دي الكليه .. قصدكو في الثانوي ولا السنه التحضيريه لما ادخل احدد مسار علمي او ادبي ..؟

اصلا إذا كنتي بالثانويه ادبي فمالك خيااار غير انك تدخلي مسااار إداري .. وإذا كنتي بالثانوي علمي فلكي الخيارين يا مسآر إداري يا مسآر علمي ..

والي نقصدووو عشان تدخلي لإدارة السكن والمؤسسات انك لازم تكوني مسآآآر إداري (( آدبي )) ..

وهل طالبات المسار العلمي } اقصد في التحضيري " يستطيعو يدخلووها مافيش مشاكل ..

نووووو ما يقدروووو التخصص لبنات الاداري بس ..

مم في سؤاال كمان في بالي ..
انا سمعت انوو راح يحولو اسم كلية الاقتصاد المنزلي اللي في الرحاب وراح تنقل للفيصليه .. ولما قريت عن اقسامها لقيت قسم التصميم الدآخلي .. هل هو نفسو التصميم الدآخلي الا في كلية الاقتصاد اللي في الجامعه ولا .. ؟

اعتقد نفسسسو لانو وحده من استاذاتنا كانت تقووول انو راح تتجمع كليات الاقتصاد المنزلي كولها ويصير كلهم يمشو على خطه وحدهـ سوا الي في الجامعه او في اي كلية تانيه .. بس مدري مو متآكدهـ من كلامها ..

وهل قسم ادارة سكن ومؤسسات موجووده في دي الكليه } اقصد اللي الرحاب وبتنقل للفيصليه
وواذا مافيه ياليت تعطووني اسماء تخصصات في كلية الرحاب قريبه من قسم ادارة سكن ومؤسسات ..

ما اقدر اقووول شي هون لاني معرررفش شيء .. يعني ما اعرف إذا كان التخصص موجود ولا لا .. ولا اعرف ايش التخصصات الموجوده الي ممكن تكون بديله عن تخصص إدارة سكن ومؤسسات .. بس ان شاء الله البنات يفيدوكي ..

في كمان اسئله في بالي بس بعد ماتردوو عليه وتجاوبو على دي عشان ماتنفجعوو

آسالي وخووودي رآآحتكـ وإن شاء الله الكل رآآح يسسسآعدكـ بلي يعرفووو ..

وشووكرا ياحلوين .. عارفه ثقلت عليكم بس ياليت تجاوبووني

العفوووو ياعسسسل ..