[قلب زوجها]

أول حاجة مبروووووووووووووك القبووووووووووووووووووول

ثانياً : شوفي يوخيتي

كلام أخوي مشاري 100 %

وهذا اللي حاصل معايا ... أنا زيك موظفة

أصلاً الجامعة حطوا طلب موافقة العمل عشانك أنتي مو عشانهم... مايبغونك تتورطين وتسددين وبالنهاية العمل يرفض

بس انت إذا المديرة معقدة وتطلب ورقة من الجامعة عشان توافق لك بالاختبارات

بانصحك نصيحة خوذيها مني ياعسوله

أول ما تبدأ الدراسة ونزل جدولك أدخلي الأودس وسوي اللي بقولك عليه

اطبعي أول شي الجدول الدراسي

ثم اطبعي إفادة بتحصلين أيقونتها وفيها إفادة باسمك ورقم بطاقتك إنك منتسبة هذا الفصل بالجامعة

بعدها خوذي الورقتين هذي مع بطاقة الجامعة وقدميها للمديرة مع أول اسبوع أو ثاني اسبوع من الدراسة حسب وقت نزول الجدول بالأودس

وبكيذا تكون عندها خبر بانتسابك بالجامعة من خلال هالورقتين والبطاقة وهذي كلها بمثابة الاثبات اللي بتملأ عيونها غصب

وبعدها على خير إذا جت الاختبارات قبلها باسبوع يكون جدول الاختبارات نازل ومعه تكليف بأداء الأختبارات

اطبعيهم وقدميهم لسعادة الباشه وسكري فيهم فمها ، وتوكلي على الله روحي اختبري

( ول هذي بتطلع الشهادة الجامعية من عيونك )


وبعد الاختبارات اطبعي افادة بحضورك الاختبارات من تايخ كيذا إلى تاريخ كيذا

واحب أقولك انتبهي تضحك عليك تقولك قدميها إجازة اضطراري أو إجازة إعتيادية ( حسب طبيعة عملك )

ترى هذي اجازة أصلاً من الدولة الله يعزها للموظفين والموظفات وصادر فيها قرار من مجلس الوزراء

أنا ما أجيب لك كلام من راسي .. هذا كلام زوجي اللي علمني وصحاني على هالمعلموات الله يوفقه

والا كان المديرة يمديها ضحكت علي من زمان ... بس عسى الله يجزا زوجي خير

هذا شرحي لك بالتفصيل الممل وآسفه على الاطالة بس جبتها من باب حب الخير لك مثل ما احبه لنفسي

واتمنى انك فهمتي عسى الله يوفقك ويعينك على المديرة

وسلامتك