[soma al7elwa]

المشاركة الأصلية كتبت بواسطة د/ روميو صباح الخير اخت اسماء : اممم طيب عطيني ايجابيات وسلبيات فصل الجنسين في القطاع الطبي ؟.! كنقاط رئيسية

مساء النور دكتور ..

أول شي أنا مو هنا عشان ادافع أو اعارض الاختلاط في المجال الطبي أو غيره ..

قلتلك لو المسألة مسألة اختلاط .. ساعتها نفكر بالفصل ..

هل الطبيب يواجه نفس النظرة اللي توجه للطبيبة؟؟؟

هادي أول نقطة ..

تاني نقطة .. أنا سمعت فكرة الفصل كزا مرة قبل كدا .. لكن عارف ايش الشي الغريب؟

ولا واحد من اللي سمعت عنهم فكرة الفصل له علاقة بالمجال الطبي لا من قريب ولا من بعيد ..

برأيي الفكرة دي اللي يقررها ويفكر فيها ويحدد هل هي مناسبة أو لا مو أنا ولا انت .. دا شأن المختصين بالمجال الطبي والمباشرين فيه اللي يعرفوا هل هي فكرة عملية ومناسبة للتطبيق أم لا ..

يعني الكلام أسهل بكتيــــــــــر من الفعل ..

وكرأي شخصي -كمريضة وليس كطالبة في هذا المجال - لا أقبل هذه الفكرة لا من قريب ولا من بعيد ..

لأن أكبر همي انو يكون شاطر وسمعته نظيفة وخبرة وعارف ايش يسوي سواء كان طبيب أو طبيبة ..

فمو معقول اني الاقي دكتور بدي الصفات ويقولي "آسف المستشفى للرجال فقط "

المشاركة الأصلية كتبت بواسطة ندو222 مهنة الطب مهنه شريفه جدا وأنا كان ودي ادخل طب ومعدلي بالراحه يدخلني وابويا موافق بس امي لما عرفت ان الدراسه نفسها مختلطه مارضيت وانا اوافق امي الرأي بصراحه هنا المشكله .. كل الجامعات في المملكه ماهي مختلطه إلا جامعتنا .. والدكتوره بنفسها قالت لنا البنت من يوم ماتدخل الطب تخرب >> مو كل البنات طبعا تبدأ تبين شعرها وشوية تحط مكياج وشويه شويه ..والكثير الكثير داخلين طب بصراحه ابدا ماهم اهل لهذه المهنه العظيمه ..والله البنات داخلينها لعب بس انو اسمها دكتوره .. بس إلي داخلتها ونيتها صافيه راح يكون أفضل شيء سوته في حياتها ..

مين اللي قالك انو الدراسة نفسها مختلطة ؟

ممكن تديني المصدر ؟

ومين الدكتورة اللي قالتلك البنت اول ماتدخل الطب تخرب ؟

ياريت تذكريلي اسمها ومجالها اما هنا أو برسالة خاصة .. فضلا لا أمرا عزيزتي =)

سؤال اخير عزيزتي .. في واحدة من صديقاتك او قريباتك أو جاراتك طبيبة أو طالبة في كلية الطب ؟