[حلزوونه]

ااااا يا قلبي وجع شي يفقد الاعصاب .. اسمع ماعليك غير انك تشد عليهم زي ماعمل اخوية ..

كانوا يعملو نفس الحركة ,الي هي التصريف وياحبهم للتصريف .. كل واحد يرمي عالتاااني .. بس يومتها اخوية ماسكت .. وقال لا انا قاااعدلكم قاعدلكم .. وحكيهم عن معاناتك وصبرك عليهم نفس الكلام الي قلتلنا عليه .. ونفس الكلام على حكاية السفر .. يصرفوك قولهم لا ابى دحيين دحين ..{خليـــــــــــــــك عــــــنيد } هما رح يستحوا على نفسهم ويحسوا انك مهم وما حيصرفوك بدي الطريقة زي ما جابت نتيجة مع اخوية ..وغير كدا من غير ماتسافر ..خليهم هما يتصلوا بنفسهم .. ياسلااام يخلوك تتعب وهما جالسين ...ياريتها مشكلة سخيفة درجااااااات وغصبن عنهم يتحركوا ..ولا تسمع كلامهم لو قالولد بعد شهر لأنو لمة تجيهم تاني حيقولولك شهر الجاي بـرضو .. ويضلوا ينكرووا انهم ماوعدوك عالنتيجة بعد الشهر الي حتقلهم عليه ..اتحرك من دحين ..عشان التحويل لا يفوتك..

ظلم والله ظلم ايش الي ماتطلع النتيجة كويس انو التحويل متأخر ..يعني يمديك تشد عليهم..

وايوا صح عاندهم بإبتساامة مو تكشر (ههههههه) طيب ..عشان بعدين لا يصنقرووا!!

وبــــــالنهاية اقولك .. مالك غير الله .. يسرلك اموورك كلها الي مايقدر عليها غير الواحد الأحد :)
انته بس ادعي الله كريم ... والله يوفقك.. حاسة بيك