ما كل من يضحك سعيد بدنياه
وما كل من يبكي دموعه حزينة
أحدن بكى .. والكل يدري عن بكاه
وحدن مع الضحكة تحس بونينه
ياشين فرقى الحب وياشين بلواه
والمشكلة دنيا بلا حب .. شينه
والزين ما يكمل ولو كان ماحلاه
إلا حبيبي ماتغيّر بزينه
ما جيت أسولف عن حلاه ومزاياه
يكفي أحاسيسي وقلبي عارفينه
كن الفضا في غيبته ضاق مسعاه
وكني غريقٍ ينتظر له سفينة
شف دنيتي يا صاحبي عقب فرقاه
مثل الظلام اللي حصل بالمدينة
باكتبه أنا في صفحة الشعر وأقراه
واذبحه بزود الغلا دون سكينة
وارسمَه في لوحة الشعر وانعاه
وادفنَه بين الضلوع الحنينه
بوسط الحشا في داخل الصدر مثواه
إما يسار القلب وإلا يمينه