[حلاها زايد]

بنات اول شي اقرو موضوعي كاااامل
انا رحت الجامعه اليوم اسئل عن التحويل للانتظام للاجنبيات وكمان للي شهادتهم قديمه
المهم انا من قبل فتره ارسلت ايميل للعميد عبد الفتاح مشاط اسئله عن التحويل للانتظام للي شهادتهم قديمه والمهم هذا رده نسخته لكم


نعم يمكن التقدم للتحويل في نهاية السنة،و في حالة الموافقة الأولية فسيتم عرض الامر على اللجنة المختصة لدراسة الحالة و استثناء الطالبة من تقادم الشهادة
و بالتوفيق

وكمان كان في يوم قبل فتره الخطوط مفتوحه للي يبغى يتصل عليه واتصلت وسألته وقالي ممكن تحولي ويقول اذا طلع التحويل في النت قدمي عادي وبعدين سوي خطاب عن الاسباب اللي اخرتك في الدراسه وودي الخطاب للعماده

المهم انا طبعا قلت بروح الجامعه بنفسي عشان اتأكد ورحت لمديره القبول والتسجبل واول مادخلت سألتها انا شهادتي قديمه ومعدلي كذا اقدر احول انتظام وعلى طول ماكملت كلامي الا وقالتلي لاااااا قلتلها انا كلمت العميد مشاط وقالي ممكن احول بس اجيبلكم خطاب بعدين غيرت كلامها وقالتلي تجيبي خطاب وبعدين نرفعه للوزاره وقلتلها متى قالتلي على الترم الثالث تقدمي وبعد الترم الثالث تحولي انتظام >>شايفين كيف ردها الحين لو اني ماسألت العميد مشاط كان صدقتها يوم تقولي لااا ومشيت حسبي الله ونعم الوكيل فيها
وكمان سالتها عن التحويل للاجانب وقالتلي لاااا الاجانب مايحولو وقلتلها طيب انا عرفت انه في اجانب حولو >>وعلى فكره انا اصلا مااعرف اجانب حولو بس ابغى احشرها
المهم بعدين قالتي ايوه في حولو لكن السنه الاخيره ماحولو وبعدين طلعت من عندها
قلت بروح عند الموظفات الثانيين واسئلهم ودخلت عند وحده وسألتها عن الشهاده القديمه وقالتلي ايوه ممكن تحولي وتروحي تقدمي من عند قسم البنين
وكمان سألتها التحويل للاجانب وقالت ممكن اذا معدلها 4.75 وسألتها لو المعدل اقل من كذا ممكن تحول قالتلي اقل من كذا لا قلتلها طيب كيف الاجانب يحولو قالت تجي عندهم وتعبي الورقه وبعدين يرفعونها للوزاره