[جنكيز خان]

اولاً احب ابتدي كلامي بتحية الإسلام السلام عليكم ورحمة الله وبركاته

ثانياً ابارك لكلالناجحينوأتمنى من العلي القدير ان يرزقكم المراتب العليا في الدنيا والاخره واتمنى لزملائي الطلاب والطالبات بقضاء اجازة ممتعة.

---

ثالثاً ,,,===>(والزبــدة هناا) يا اخواني واخواتي اسمحولي اتكلم بالعامية لاني اذا تفلسفت وتكلمت فصحى احس اني مخنووق وودي اصيح بصراحه يا شباب قبل لا يقدر الله وأدخل الجامعة جلست مع اصدقائي لأجمع المعلومات عن هذه الجامعة العريقة بعضهم طلاب بمستويات متقدمة وبعضهم متخرج تخيلوا وش النقطة المشتركة بينهم انهم كلهم متفقين انه ليس هنااالك مصداقية في الدررجاااات ( الله اكبر ) طبعاً الشي هذا سببلي ازمة نفسية وكأن الطموح والعزيمة اللي كانت متأججة فيني راحت في مهب الريح ومع ذلك كنت محتار من كلامهم هل هو صحيح او مجرد( فش خلق) لان المعلومة اللي عندي ان التصحيح يكون بالجهاز الخاص بأوراق التظليل المهم بعد فترة عزمت اني اتحدى الصعاب وأدخل الجامعة من اوسع ابوابها وأبتدأ الترم الاول وأنا في قمة الفرحة عشان اعوض السنين اللي فاتتني بدون سلاح الا وهو سلاح العلم قربت الاختبارات وبديت اذاكر وأذاكر واذكر واذاكر وأدخل جميع الاختبارات وانا ضامن الحل واختبر جميع المواد وانا متأكد ان درجاتي اذا ما صارت ممتاز مرتفع راح تكون ممتاز وتنزل الدرجات في برنامج الـ odus وهنا كانت الصدمة جميع الدرجات منخفضة وتذكرت وقتها كلام اصدقائي قبل لا اكون جزء من هذه الجامعة لكن قلت كمل يا ابن الحلال وتعوذ من ابليس والترم الثاني تعوض وأبتدى الشوط الثاني من المباراة (( اخوكم متأثر بكأس العالم )) المشكلة يا شباب ان الحكم في هالمباراة ظالم نرجع لمحور حديثنا وأبدأ في شراء المذكرات والكتب تدرون وش كانت اكبر فرحة لي في الترم الثاني انه نازلتلي مادة الرياضيات وزوجتي مدرسة رياضيات يعني الماده مويــه وتقرب الاختبارات وابدا المذاكره قبلها بشهر ومذاكره ومذاكره ومذاكره ومذاكره ومذاكره ومذاكره ومذاكره الى ان اصبح بيني وبين الجنون شعره وادخل الاختبارات واقسم لكم بالله اني كنت ضامن انه ما راح تقل جميع المواد عن 90 الا الانجليزي لأني ما حليت زين وتطلع درجاتي في النظام الالكتروني وهنا كانت الصدمة للمره الثانية من جامعتي العزيزه انه جميع المواد منخفضة ومحصوره ما بين 72 و 76 وعشان ما اطول عليكم
سؤالي للأخوة الطلاب والطالبات هل لاحظتم هالشي او انا بس عندي هالمشكلة ؟؟؟
كلمتي لإدارة الجامعة اذا كان التصحيح آلي اذاً هناك مشكلة في الجهاز او في الاشخاص المسئولين عن ادخال الدرجات في البرنامج الالكتروني ( odus ) آمل ان تصل رسالتي اليكم لحل هذه المشكلة التي ستحرم الكثير من الطلاب والطالبات في الحصول على الدرجات العالية والمعدلات التي يسحقونها وستساعد طلاب وطالبات لا يبالون ان نجحوا او اخفقوا ,,,,,

تقبلوا تحيات اخوكم / جنكيز خـــان