[fawazfofo]

المشاركة الأصلية كتبت بواسطة *ثابتة على قيمي* فين المشكله لو سارت معدلات الانتساب أفضل من الانتظام ؟؟ (مع أني أستبعد حدوث هالشي .. لأن زي مافي مجتهدين هنا فيه مجتهدين هناك ... ) إحنا مو بشر نتعب ونحس ونفرح ونحزن بالمعدل زينا زي الانتظام البشر !!!!!! لا بيسير شكل الجامعه بايخ ولاشي وحتى الموظف إللي همه شهاده تحسن مستواه برضو بشر ترك أهله وتكلف بالمصاريف لجده مو عشان يشتري شهاده وبس ......... عشان يتعلم زيه زي المنتظم ويحصل على شهادة تعبر عن نتيجة تعبه وجهده !! أما الجامعه تفرض معدلات معينه لخريجي الانتساب .. ممكن ولكن ما أعتقد أنه في صالحها والدليل ضعف معدلات الخريجين .. وهذا رح يسئ لها إحنا مانقول نبغى كل شي بالساهل .. ولكن نبغى الحق .. نبغى تجاوب من مسؤلي الجامعه وأكاديميها نبغى التصحيح والرصد يكون أكثر دقه عشان نرتاح وييرتاحون من الشكاوي والدعاوي !!!!

- شكراً ع التعليق

انا تكلمت من زاويتي وبرأي المتواضع حول سياسية الجامعة؟

مع احترامي لك أنت ( موظفة ؟ أو ع راس عمل ؟ )

أنا عارف كل المنتسبين يتمنوا المعدل المرتفع و دافع فلوس عشان الشيء هذا ويرغب ف تحسين مستواه العام العملي و العلمي

لكن انا قلت همه ف الحصول ع الشهادة أكبر من هم المعدل لانه ف الاساس هو موظف
مو زي الطالب اللي يبغى معدل لانه ع اساس الشهادة و المعدل راح يتوظف.

الجامعة ماراح تضعف معدلاتهم لدرجة انه هذا الشيء يسي لها

سوال

درجاتك ف السنة الاولى تقريبا 90% مطابقة للحل المتوقع صح و لا لا ؟

بعد كذا وبعد ماتقطعي نصف المشوار يصير الدرجة المرصدة غير المتوقعة لانك خلاص تعلقتي
وصعب بعد المشوار هذا انك توقفي ويصير اصرارك ع تحسين المعدل.


ارجع اكررها .

هناك سياسة أكبر من أنها أختبارات و درجات ترصد.

وعن موضوع الانتساب معدلاتهم اكبر من الانتظام هذا موضوع يطول شرحه.


والله يوفق الجميع