اختي اجمل عطر بصفه عامه قسم الاداره والاقتصاد اي قسم فيه مطلوب ولو مستقبل
استخيري وخليها على ربك انا قسم اداره عامه تنظيم وتطوير وعجبني القسم وتقريبا في مواد متشابهه
مع قسم اداره صحيه واحنا البنات ماعندنا قسم اداره عام مفتوح اعتقد انو بس للاولاد
وثاني شي يرجعلك انتي ايش تبغي نفسك في ايه ايش طموحاتكـ لاتخلي احد يحطمك
خليكي مقتنعه وصدقيني حتحسي نفسك اخترتي القسم الي تبغيه ودخللتي فيه
تصدقي انا يوم مادخلت الجامعه كنت ابغى انجليزي وشاورت وحده من صحبات امي
قالتلي نصيحه ادخلي قسم اداره واقتصاد ماحددتلي اي قسم في الاداره بس قالتلي لو مستقبل وحلو
والانجليزي يمديكي تاخذي دوره باي مكان وفعلا حطيت براسي واستخرت
وتخيلي البنت الي سجلتني انا قلتلها حطيني اداب
حطتني اداره واقتصاد بالغلط قلت خليني استخير مره ثانيه واشوف
وفعلا استخرت والحمدلله عدت السنه الاولى والثانيه ولله الحمد جينا للسنه الثالثه الاهو التخصص
قلت ابغى قسم سهل وعام قالولي اداره عامه اسهل من اداره اعمال بس اداره اعمال مطلوب اكثر
قلت طيب اداره عامه ايشفيه قالولي تنظيم وتطوير واداره صحيه
قلت لا ابي قسم تنظيم وتطوير ماابغى اتقيد بشي واتخصصت والحمدلله مرتاحه وحلو القسم وماشيه فيه
وربي يوفقني إن شاء الله وكثير قالولي يمديكي تتوظفي باي مكان شركات ارمكو
اتمنى اكون ساعدتك ونصيحه لاتعتمدي على احد شاوري بس خلي القرار الاخير يرجعلك انتي
فكري فيه كويس وإن شاء الله ربي يساعدك
يسعدكـ ربي