[سـ ـ ـ ـاب]

هلا فيك اختي الكريمه


أنا بعطيك نبذه مبسطه عن كل مسار


أرجو انك تاخذين في الحسبان رغبتك وميولك الشخصي بعد دراسه وأخذ آراء الناس
لانو هالشي مهم جدا في مشوار دراستك ويسهل من صعوبة المواد
انا بشرح لك اللي اعرفه عن هالمسارات ولكن هذا رأيي الشخصي وممكن ما يكون صح او مناسب لك


1/ مسار التسويق

تخصص التسويق أنا كرهته بسبب مجال عملي
تخصص يعتمد بالدرجه الاولى على الحفظ ثم الحفظ ثم الحفظ ولازم يكون عندك ميول له
الخلاصه : غير مرغوب



2/ مسار المالية والإستثمار

مسار رائع ومستقبله زاهر ولكن يحتاج لجهد كبير وصعب شوي
بصراحه كان هو هدفي قبل الموارد البشريه ولكن بسبب اني منتسب ما اقدر امشي معاه
الخلاصه : انصحك فيه وبقوه مع مراعاة الميول


3/ مسار إدارة الموارد البشرية

تخصصي لازم امدحه
بصراحه تخصص رائع وممتع وسهل جدا ً .. يعتمد على الحفظ .. مستقبله مضمون خصوصا انو ما يقتصر على قطاعات معينه ، فالموارد البشريه موجوده في كل مكان
و بالنسبه لمواد الانقلش هي مادتين فقط .. و سهله جدا ,, فيه ملخص لهاني عرب ممتاااااز و سهل
الخلاصه : طبعا ً أنصحك فيه واذا احتجتي تفصيل اكثر عنه انا حاضر



4/ مسار نظم المعلومات الإدارية

بصراحه انا اخذت فيه مدخل فقط ولكن يعتبر تخصص رائع بس مو سهل أبدا ً
مستقبله ممتاز ويحتاج تركيز شوي
الخلاصه : اوصي عليه ولكن بتحفظ


5/ مسار إدارة الأعمال الدولية

بصراحه ما اعرف اي معلومه عن هذا المسار


6/ مسار إدارة العمليات والجودة

أخذت برضو ماده ادارة العمليات وكانت صعبه بصراحه
ممكن لانو انا منتسب وما حضرت محاضرات لكن بصراحه مره تخصص صعب وبالنسبه لك غير مناسب لانو فرص عملك في الصناعه تكاد ان تكون متسحيله
الخلاصه : لا انصح أبدا



و هذا رابط موضوع نزله اخونا الهتان .. شرح للمسار بالكامل .. مجهود مميز
http://www.skaau.com/vb/showthread.php?t=188501


أتمنى اكون وفقت اني اوضح لك اللي افهمه وإن شاء الله البقيه ماراح يقصرون
بس لاتنسين تحكمين ميولك قبل اتخاذ القرار