سلام علييييييكم
أنا من الطلبة اللي أنتهيت من السنة التحضيرية ومن وجهة نظري خطة ب اللي هي عبارة عن أربع مواد فقط هي كانت الأسهل رغم وجود مادة الأحصاء اللي غالب الطلبة أشتكى منها سوا في الترم السابق أو هذا الترم اللي كانت بشهادة صديق لي الأصعب بالمراحل كلها.؟ لايعني أن الخمس مواد هي الأصعب أو الأربع مواد هي الأسهل لكن هي تعتمد على مستوى الطالب والتحضير الذهني والبدني من بداية الترم لأن أغلب الطلبة لايستحضر ويتابع المواد الا لما يكون باقي على الأختبار أسبوعين أو أقل وهذي المدة لاتكفي لإستحضار المواد والالمام بها وفهمها وخاصة مادة الأحصاء أو مادة الرياضيات.. الزبدة ياخيي خطة ب هي الأسهل من وجهة نظري لأنها تعتمد على الحفظ السهل.. لكن يبقى الأهم والأفضل التوكل على الله بكل صغيرة وكبيره في هذي الأختبارات ودعاء الوالدين فهذا الشرطين سلاح قوي للوصول الى النجاح والنجاح بتفوق بإذن الله.. راح أتكلم عن موقف حصل لي بالترم السابق لصديق لي لازمني بالذهاب الى جدة والدراسة سوياً وأداء الأختبارات... هذا الصديق ذهب معي لجدة على أنه مثلي بنفس الخطة ونفس المواد بعد أن درس هذي المواد وطبعنا الملخصات الخاصة بكل مادة كان وقت أختبار الأحصاء س 3.30 لكن بحكم أنحن تونا جدد على الجامعة أتفقنا بالذهاب س 2 لكن قبلها علينا الذهاب الى أقرب محل نت نطبع الجدول وبعد الطباعة تفاجأ صديقي بخطة أ وانا بخطة ب ..؟ وانا جاهز من الناحية النفسية وجاهز للمادة واختبارها.. أنصدم صديقي لأن أختباره في مادة الرياضيات س 5 وهو مايعرف وشلون جاي الملخص..؟ وأثناها قرر يعود الى الرياض بصراحة اصابة أحباط من هذي الصدمة وبعدد محاولات من جانب أخوه اللي أتصل بالصدفة وقاله أدخل للاختبار وانت كأنك ماتختبر حل وتوكل على الله باقي على الأختبار 3 ساعات فقط ذهبنا بسرعة الى أقرب مكتبة أمام الجامعة وشرينا مواد خطة أ وشرينا حاسبة أي كلام له ومن ثم دخلنا الأختبار وجلس يذاكر الرياضيات اللي قال والله أقرى طلاسم مدري وش أذاكر..؟ أنتهينا من أختبارانا ودخل هو الأختبار مستعين بالله وحل وتدار ك الموقف بالنسبة للمواد الثانية وانتهي من الأختبارات كلها وحصل نسبة ماشاء الله تبارك الله 4.15 على ماذكر وحصل في مادة الرياضيات ع 93 درجة بكل أمتياز..؟
في النهاية من أستعان بالله كفاه الله وفق هذا الصديق بتوكله على الله ومن ثم دعاء الوالده له
تكلمت كثير بالرغم من وجود هنا لكن أنتهزتها فرصة لنقل هذا الموقف اللي يدل على توفيق الله لعبده في الشده لأنه عرفة في الرخااء عسى الله يوفقنا وينجحنا ويجعل التوفيق حليفا دايماً وأبداً
مشكور ياصاحب الموضوع