[قصر الشوق]

المشاركة الأصلية كتبت بواسطة حآآيرة انا برضو نفسي في التخصص دا من زمآآآآآن بس صراحة اتحطمت وصرفت نظر عنو لما قالولي ماحتستفيدي منه وانتي انتساب وانو لو ابغى لغة اخدها في اي معهد احسن ودحينا رجعتوا شوقتوني له والله مره محتارة يارب اختارلي الخيررر بالتوفيق للجميع يارب

صحيح انا كدة رأيي كمان ادرسي لغة في معهد افضل لأنو لو درستي ادب
انجليزي لا تحسبي انك رح تصيري تتكلمي انجليزي لا طبعا لازم يكون عندك
لغة قوية عشان تقدري تمشي فيه وتاني حاجة احنا مايهمنا نعرف ادبهم لأنو اللي حتدرسيه
هو روايات وشكسبير وماادري ايش احنا اللي يهمنا من لغتهم المحادثة بس وتقدري تاخديها من معهد
احسن لو اتخصصتي ادارة اعمال مع دبلوم انجليزي بس المشكلة انو لسة مانعرف ايش تخصصات ادارة الأعمال المتاحة لنا لأن جامعتنا الموقرة كل يوم تطلع قرار بخصوص هذا الموضوع شكلنا كلنا اخرتنا حنتخصص انجليزي من ورا قراراتهم اللي يطلعوها عن ادارة الأعمال هههههه
هذا رأيي انتي شوفي ايش ميولك واختاري على اساسه واسفة على الإطالة والله يوفقنا اجمعين