[نوداني]

السلام عليكم

اولاً تمنياتي لكم جميعاً بالتوفيق ،،

ثانياً إلي وراه مذاكره يطنش موضوعي هذا ويرجع يذاكر انا بس افضفض

ثالثاً بعيد عن كان الإختبار سهل أو صعب بس الحقيقه ودي أعلق على ممارسات صارت اليوم بالإختبار

بعد ما دخلنا قاعات الإختبار وبعد الزحمة والتدافع ولا بالحج
ومع إن إدارة الجامعه تقول تعالوا قبل الإختبار بساعه عشان يجلسونك برى ولا يفتحون البوابات غير قبل الإختبار بخمس دقايق ورح حزتها دافس خلق الله عشان تلقى كرسي ،،

دخلنا القاعه جينا في باكستاني او هندي المهم ذيك الديار ،، طريقة كلامه بالبدايه وهو يتخاطب معانا قسماً بالله كنت افكره يمزح
يا جماعه يتعامل بهمجية غير معقوله ،، تشوفه وهو يطرد الطلاب ويسكر بوجيههم الباب على اساس القاعه فل ،، واحد من الطلاب يبي يقوله انا كرسسي موجود بس طلعت وراجع وهو ما هو راضي يفهم لأنه يفهم اوردو وكم كلمه إنجليزي مكسر !!!

المهم يتفلت علينا بتجهم وعنجهية ما شفتها حتى في مدرس إبتدائي طلابه قالبين الحصة مسرح

يقول مالكم أي حق تسألون أي سؤال ولا تنبسون ببنت شفه ،، جاوب وبس ولا تنادي عشان تسألنا عن أي سؤال ما فهمته !!!

بالغلط طالب وراي سأل أحد المراقبين أنفلت خوينا البنقالي أقصد الباكستاني يقاطعهم ويقول للطالب مالك حق تسألنا ومحنا رادين عليك !!!

عموماً التعليق كالتالي:

نعامل بإحترام في مجتمعنا وجامعتنا مع السعوديين من مراقبين وأساتذة ودكاترة ،، لكن لماذا تسمح إدارة الجامعة بمثل هذا التعامل الذي نقول عنه بأبسط صوره وقح من قبل هذا الباكستاني ،، ربما بل متأكد من وجود طلاب على درجة عالية من العلم والإحترام وربما من يخدمون البلد والمجتمع بارقى صورة وكذلك هم طلاب بالإنتساب في الجامعة هل يصح ان يعاملوا بإزدراء وفوقية وقلة أدب من قبل من أعطته الجامعة الثقة لأن يكون مدرس ومراقب ؟؟
نأتي لإختيارات الجامعة السديدة في إختيار مدرسي اللغة الإنجليزي أمثال أخينا الباكساتي القليل الأدب هذا ؟؟ لأنه رخيص جداً بالنسبة للجامعة جاءت به ليعلم ،، أصلاً من قال الهنود ينطقون الإنجليزية على شكل صحيح ؟؟ هل تبني شهادة جامعة باللغة الإنجليزية على مدرسين هنود ؟؟ يتخرج الطالب من عندهم لغته إنجليزي هندي !!!

عموماً اقسم بالله كنت اشعر بالكثير من القهر مما رأيت لأخواني المنتسبين مو مكفي اللغة من أكبر العوائق لدى الشباب السعودي مو ناقص إلا الهنود بعد يتفلتون عليهم !!!

وعندي حاسب بكره تكفون بمذكره نذاكرها ما عندي شيء والله