السلام عليكم ورحمة اللة وبركاتة
حسن الخلق يستر كثيراً من السيئات كما أن سوء الخلق يغطى كثيراً من
الحسنات.
مرحبـــــــــــــــــــــــــــــــــا :
كيـــف الحــال إنشـــاء الله بخـــير مابي أطول راح ادخل في الموضوع......؟
بس انا بصراحة ودي اطرح شغله صارت يوم الخميس 13|6|1431هــ وأبي من الأخوة تعليق لما صار أمام مبني التاسع والعشرين طبعا ها المبني معروف في الجامعة هو مبني الاختبار القدرات لطالبات المتقدمات للاختبار من جميع الثانويات بجدة
بس الي صار مايليقj بجامعتناالمحترمة jان أمهات الطالبات بعضهم كبار السن وبعضهم لهم مراكز في البلد إما مدرس وغيرها... والمرافقات مع المعاقات.....الخ
(طبعا انا مالوم خوف الامهات علي بناتهم لا ن الاختبار كان من الساعة 6 الين 10مساء وقتها مرة متأخر )وخوف الأمهات علي بناتها جبرهم أنهم يجلسون أمام المبني في الجو الحار وعدم توفر مكان للمورافقات وايظاًعدم توفر كافتريا أو ماشابة والمنضر كان مرة فضيع اعتقد الي راح شاف كيف كان طبعاً غير عدم لباقة حارسات الأمن مع أمهات الطالبات وتلفضهم بالفاض غير لبقة مع الامهات وطردهم خارج المبني
وبعد مرور ساعة تفاجئنا ان هنالك طالبات لايوجد لهم مقاعد بعد ان سددو الرسوم كاملة وانهو تم ارسال رسالة لهم باحظارها اليوم للاختبار ونتفاجا بعدم توفر كراسي لهم وارسالهم لمدرسة ..... لاستكمال الاختبار..
بس بعد مرور ساعة ونصف تقريباً الساعة الثامنة والنصف فرجها ربي وأمرو للامهات بدخول للقاعة المجاوري للبوابة ولكن بتشدد كبير مادري ايش اقول بس الحالة واللة ماينسكت عليها مرة حرجة لدرجة ان امهات الطالبات ذموا جامعتنا بكلام غير لائق قررو عدم تكملت الاختبار لبناتهم لما شاهدوة من جامعتنا معاملة غير سارة .