[جوجووبس2008]

السلام عليكم ورحمة الله وبركاته كيفكم بنات الرحلة كانت جدا مفيدة وممتعه أولا :وصلنا للمستشفى الصحة النفسية وجلسنا في قاعة المؤتمرات وجاء الدكتور خالد والأخصائي النفسي محمد الزهراني وجلس الأخصائي النفسي يتكلم عن الخدمات إلا يقدمونها للمرضى وذكر الأقسام إلا في المستشفى من عيادات خارجية وذكر الفرق بين الطبيب النفسي و الأخصائي النفسي وتكلم عن العنابر الموجودة عند الرجال 6 عنابر 1و2 الحالات الحرجة و3 للعصابين 5لكبار السن و6الا باقي على علاجهم فتره قصيرة ويخرجون من المستشفى وذكر لنا قصه صارت لشاب عندهم استقرت حالته وخلوه يروح مع أهله يوم الأربعاء ورجع عندهم السبت وحالته يرثا لها أهله قاموا بضربه لأنه كان يعلي صوت التلفاز أكثر من مره ( ما في وعي اسري)وقال إن الاخصائه النفسيه يوم تشخص حاله مريض لا تشخصها بعواطفها فقط بل بكل ما تعلمته من علم ودرسته لانه يوجد مرضى اذكيا جدا جدا جدا ولو الاخصائي النفسي ما قدر يكمل معاهم فيجب ان يترك الحالة لأخصائي ثاني فهو في هذه الحالة يعتبر ذكيا المهم بعدين رحنا وقام الأخصائي النفسي بمرافقتنا إلى الأقسام وشفنا عنبر 3 للعصابين وكان الواحد منهم جالس او واقف ولا يدري عن احد وساكتين ويطالعون فينا شفاهم الله وخرجنا إلى العنبر 5لكبار السن والله حالات تحزن أهلهم تركوهم ولا يسألون عنهم في واحد تركوه اهله عام1409 وبعدها رحنا لعنبر6 وكان فيه مرضى كثيرين الا نايم ولا يطالع لنا ويبتسم ولا يضحك شفاهم الله ورحنا إلى قسم العلاج بالعمل للمرضى صحيح انه المكان حالته حاله بس الواحد( لايسكت نقدر نساعدهم) ورحنا بعدها إلى قسم النساء وعملنا حفل لهم وغنينا ولعبنا وكانوا مره حبوبات ورجعنا إلي الجامعة والحمد الله أنا بصرحه استفدت من هذه الرحلة حسيت نفسي إني مسؤولة عن المرضى وأتمنى إني اعمل عندهم وصرحه حسيت باني من جدا متخصصه علم نفس وين الرحالات هذه من زمان والله هذه الرحله مره روعه ومفيده وتفيد في التخصص بكثير واتمني لو يعيدونها وكذا البنت تستفيد تعرف الحالات لا درستها وتكون سهله عليها أتمنى إني وصلت لكم صوتي اشكر الدكتوره ايمان بيومي والدكتوره مها سرور والدكتوره عماديه وكمان الاستاذه الاه الشريف الا رفقونا الرحله