[Naser]

هلا اختي الامبراطورة ,,

أكيد :) بأتكلم عنْ مُشآركتينْ هيآ اللي أتذكرهم لأنهآ مو قديمة.. خخخ وحدة منهم عرفتـ السبب من المُشرف عنْ طريق الرسآئل..

أنتي يا اختي عضوة في الإدارة .. فإذا انتي ما عرفتي كيف تستفسري عن سبب حذف الرد
فـ ما نلوم الاعضاء اجل !
وانتي كمان مشرفة .. صعب إن الادارة تلزمك تراسلي كل عضو تعدلي رده او تحذفي موضوعه لانه يتطلب شغل جبار .. مثل ملتقيات الانتساب والانتظام والساحة العامة والوناسة والاصدقاء

رآسلت المُشرف على السآحة العآمّة..ووضح لي السبب برحآبة صدر وتحمّل غلآستي مشكووورآ ^^ المشرفينْ مآلهم ذنبـ..يطبقونْ النظآم.. :) لكنْي لست مُقتنعة انو يُمنع التطرق للأمور المذهبية أو الفكرية..

يا اختي .. أنا مو مقتنع إن الحضور للجامعة إلزامي ,,
لكن وقت ما كنت ادرس .. كنت بحضر .. لانه النظام
إذا ما كنتي مقتنعه .. لا تخالفي ,, ناقشينا في منتدى العمليات أو عالاقل في منتدى الشكاوى والاسفسارات ... بدل مخالفة النظام

يعني أيش فيهآ لو جبت طآري الليبرآلية والاسلآمية..... إلخ

فيها امور كثيرة جدا .. اهما إن توجه المنتدى أكاديمي .. وسبق تناقشنا بهذا الموضوع

مُشآركة أُخرى حُذفتـ في أحد الأقسآم الأكآديمية.. والسبب مكتوب (بطلب منْ الكآتب بسبب وجود مُشكلة) ومآني شآيفة فيهآ غلط أو مُخآلفة

أعتقد انا حذفتها .. واعتقد ان السبب واضح .. وجود مشكلة في الموضوع الاساسي وانتي كنتي مقتبسه الرد ,, واللهي ما اذكر هل هيا انتي العضوة او غيرك
يعني ما كان السبب مجهول بالنسبة لك ,, وكنتي تقدري تستفسري عشان توضح لك الصورة
الموضوع ماراح ياخذ منك ثواني .. وحتعرفي السبب بكل بساطة :)

للتنويه: أنآ مو مُتحسفة ع المُشآركآتـ المحذوفة لأنهآ عآدية ومآ ينتحسف عليهآ.. لكنْ مُشآركآتي غآلية عليّ مدري ليه وقلتـ أبغآ أصآرح في جلسة المُصآرحة..

مو لازم تكون غالية عليك عشان تصارحينا فيها .. احنا ما نبغى اي عضو ياخذ بخاطره عالإدارة عشان ما يحسب إننا بستقصد .. اما ما يقع عن طريق الخطأ , فاتمنى الجميع يعذرنا

يآ أُستآذ naser اللي حبيت أقوله.. ليه يُمنع فتح نقآشآت فكرية..دينية..سيآسية في المُنتدى مآ دآم مآ فيهآ ضرر بأحد ليهـ مآ يتمّ الاكتفآء بحذفـ الردود المُخآلفة.. مو منع أو حذف الموضوع بأكمله,,,

سبق وكان النقاشات مفتوحه في مثل هذي المواضيع .. وما جابت خير للموقع ولا لـ اعضاءه
وبعدين النقاشات الفكرية والدينية في المنتدى مو بالمكان المخصص لها .. ولا إحنا اهل علم عشان نفتح نقاشات دينية سواء عن أحكام او عن رموز
ومين قال يا اختي انها مافيها ضرر !! بالعكس , فيه مصايب
والردود المخالفة يا اختي ومن واقع تجربة .. كان اكثر من 80 بالمية من اجمالي الردود المشاركة في الموضوع !!

:: أكثر مآ كآنْ يعجبني في المُنتدى سآبقآ الحوآرآت والنقآشآت (وأرآء الأعضآء)

الحوارات والنقاشات موجودة لحد الآن
لكن بعيد عن الامور الدينية والتيارات الفكرية :)

أقصد انهمـ يشآركونْ في هالموضوع الديموقرآطي.. مآ قلت الديموقرآطية غآيبة

آسف .. فهمتك غلط
لان فيه كم عضو قال في مكان ثاني إن المنتدى مافيه ديموقراطية
فـ اقوله اعطيني مثال قال لما ننتقد اعضاء هيئة التدريس تحذفو الرد
فلما رجعنا لـ الرد لقيناه يسب الدكتور والله يلعنك يا .. ويا ..
فهل هذا انتقاد !!

عموما سوري

أشكركـ على رحآبة صدرك.. :)

العفوو
وياهلا