اسعد الله اوقااتكم بكل خير .... كيفكم ياااأعضاء منتدايا الحبيب ... ان شاء الله تكونوا بأتم
صحة وعااافيه....
أنا بصراحه عندي موضوع حااابه اسئلكم فيه وما ادري اذا مكانه صح او لا ....
بس قلت اعضاء المنتدى ماراح يقصروا معي لانو هذا اللي عهدته منهم...
ح أدخل بالموضوع على طول ....
أنا سلمكم الله أعرف وحده عزيزه على قلبي ... وعندها مشكله ونفسي مره مره اساعدها...
ياطويلين العمر والسلامه لمن كانت صغيره تسجل تاريخ ميلادها بتارخ خطأ اكبر من عمرها ومشيت الايام ولا احد اهتم...وقالوا عادي اش فرقت,,,
وطبعا شهادة الميلاد ضاااعت عليها ... وكرت التطعيم اللي كمان فيه ميلادها الصح
الله يسامح المدرسه اللي كانت فيها نقلت مبنى جديد ومدري كيف كمان ضاااع عليهم ...
طبعا الايام مشيت وعدت وماشاء الله عليها دخلت الكليه وكملتها ... وامورها تمام
بس لمن جت للدراسه في الخارج وهنا المشكله بدأت تحس بمعاناه ... لمن جت تقدم
على الابتعاث طلت في الشروط لقيت انو ما تتعدى 27 سنه ... وتاريخ ميلادها مقدم
سنتين ... يعني تخيلوا ... عشان خطأ في التاريخ شوفوا اش صار ...
مع العلم كل الشروط الباقيه ماشاء الله متوفره فيها بس ذا العمر الله يعينها ...
طبعا راااحت وقدمت في الوزاره انو تاريخ ميلادها خطأ وطلبوا شئ يثبت بس قالت لهم
انو كل شئ ضاع ... قالوا لها سوووي معامله ونرسلها للرياض وفعلا سوووت...
وكل يوووم يعدي كانت تتأمل انو يتعدل... بس المفااجأة في الاخير انو دكتور من هناك
شهد وقال انو لا ذا ميلادها الصح....كيف ما أدري ....
لا حول ولاقوة الا بالله .... ما تدري اش تسوووي
الله يجزاكم خير اذا عندكم علم بذي الامور اش حلها ووين تروح الله يسعدكم دلوني
وقولوا لي عشان اخليها تروح .... بجد بجد حرام عشان حاجه مالها ذنب فيها تتعطل
في الابتعاث...
اللي عنده فكره والا يعرف احد صار معه كذا ياااريت تقولون لي وش الحل ....
الله يعطيكم العافيه...
