بسم الله الرحمن الرحيم
اهم شيئ قبل التسديد عن طريق الصراف تسحبي من الصراف كشف حساب حيطلعلك على هيئة ايصال عادي كأنك سحبتي ( عشان تتأكدي انه في ورق ايصالات بالصراف و تحتفظي بورقة السداد بعد التسديد و هذا شيئ مهم جدا لأنه ممكن ما يوصل السداد للجامعه و تفضل صفحة الاوديس مكتوب فيها - طالب غير مسدد- يصير تراجعي بيها الجامعه )
طريقة التسديد :-
اولا / تحطي بطاقة الصراف
ثانيا / بعدها تحطي الرقم السري تبع بطاقتك
ثالثا / تظهرلك خيارات عن انواع العمليات اللي متاحه عن طريق الصراف
رابعا / تختاري خدمة سداد او تسديد خدمات ( و للعلم مش كل الصرافات فيها هذا الخيار مباشر يطلع على الشاشه عشان البنوك تختلف ) اذا ما وجدت هذه الكلمه طالعه عالشاشه مباشره حتلاقي كلمة - خدمات اخرى - تضغطي عليها تظهرك خيارات اخرى فيها كلمة سداد )
خامسا / تختاري خدمة سداد بعدها تظهرلك اختيارات لكل الشركات اللي متاح سدادها عن طريق الصراف
و حتلاقي من ضمن الاختيارات - جامعة الملك عبد العزيز - تختاري الجامعه ممكن يطلب منك القيمه اللي راح تسدديها لكن اغلب البنوك من يوم ما تختاري اسم الجامعه يظهرك اليكتروني مبلغ التسديد 3000 ريال باعتبار انه مبلغ ثابت مش زي الفواتير .....
سادسا / يطلب منك الرقم الخاص او الرقم السري .... المهم ( يوضع الرقم الجامعي للطالب او الطالبه )
سابعا / تضغطي على تنفيذ عشان يتم السداد ....
و الف مبروك كده يكون اتسدد المبلغ بس اهم شي و قبل كل شي تتأكدوا انه في ورق في الجهاز عشان تضمني الايصال
و عالعموم انا افضل التسديد عن طريق النت لانه جدا سهل و انا جالسه في البيت و من كومبيوتري ولا امسك سرا قدام الصراف ولا اتعب حالي في المشوار و هذه الخدمه سهله جدا عن طريق البنك الامريكي لانه اسهل نظام تسديد عن طريق النت و مضمون لانهم بيرسلولي على ايميلي العمليه اللي قمت بيها و كمان اقدر اسحب كشف حساب خاص بتسديد الجامعه
الله يوفقكم كلكم دعواتكم لي بالتوفيق و اني اجيب معدل يريح قلبي ابغى اتخصص ادارة اعمال لكن معدلي الترم الاول ما اقدر اتخصص به