[ساكنه في بيتنا]

هلا روزا

الاسئله حسب الاستاذه

بس افضل انها تكون مقاليه لانها ماده فهم اكتر من انها حفظ يعني في المقالي تقدري تكتبي كل اللي فاهماه والدكتوره اسماء تاخد على الفهم مرررررره كتير ..

التكاليف اللي اخدناها كانت عباره عن اننا دورنا عن كتب في النت في مجال مختص بالطفوله ورتبناها

والتاني كان ندور انشطه ونترجمها ونتكلم عنها

وفي كمان اننا نسوي برنامج مصغر نطبق فيه اللي درسناه عشان تشوف لو فهمنا شي ولا لا ..

وبصرراحه الماده دي اول ما تاخديها تحسيها ملل ومرره صعبه ومالها داعي والكلام دا بس نصيحه مني لمن تاخديها حاولي تعيشي نفسك انك وحده تعطي دورات ولازم تعرف كيف تسوي برامج والكلام دا حتى لمن تجي تحلي واجبك عيشي دور واتخيلي نفسك في دوره من جد وبتسوي برنامج ..

واذا على الممتاز دا سيبيه على الله ثم على مزاكرتك انت للماده ..

واي سؤال نحن في الخدمه ان شاء الله :) .. وبالتوفيق