[Heba EB]

بصراحة أغلب سواقين الباصات عيونهم طويلة على كل البنات المارين إذا ماكانو كلهم ، لو ايش كانت عباية البنت :(

وأنا أعاني من سواق باصنا ، عينه طويلة بشكل مو طبيعي ، حتى واحنا طالعين ونازلين من الباص يطالع فينا :@

وانا ماني عارفة اهزؤو .. ايش أقولو ؟ أقولو لاتطالع ؟ ولا احترم نفسك ؟

خصوصاً انو هوا يسوي نفسو انو بيسوي شئ في الجهة اللي احنا فيها ، يعني النظرة مو بطريقة مباشرة عشان يكون عندك مبرر واضح و تهزئيه :(

وياريتها جات بس عالعيون الطويلة كان خلصنا ..

إلا أحياناً أكلمو يرد عليا وينعم في صوتو بطريقة مستفزة ، ويطول المكالمة بأي شكل ، ويمط الكلام

أنا لما أحسوو انو حيكثر هرج علطول أقفل في وجهوو :s

ودايماً أصرخ في وجهه وأهزؤو لما يتأخر عليآ الصبآح ويكون عندي محاضرات بدري :@

وهوا يخاف مني عشان كدآ نادراً مايستخف دمو معايآ ، أعطيه على راسوو علطول

:

وقائمة مشاكل السواقين تطووووووول ، والكل يعاني منها في كل الباصآت

هذا وأنا لسآ تحضيري وأقول ياهادي ، أجل لما أتخرج ايش حيصير فيآ :s



لله المشكتى