الاخت يثرب
اسال الله العلي القدير ان يوفقك ويسعدك ويرزقك من فضله وكرمه
وان يجعلك من سعداء الدنيا والاخره وان يوفقك في دراستك وحياتك واخرتك
الشهادة لله انك اثلجتي صدري بردك ونورتي بصيرتي ولله الحمد اشعر باني اقتربت من فهم
الامر وان شالله انك تكوني سبب في توفيقي والكثير من من ينشد هذه المعلومات الرائعه
اشكرك على ما امضيته من وقت في كتابة ردك لي وان كنت ساثقل عليك ببعض الاستفسارات الاخرى
مشكور اخوي على هالدعوات اللى تبسط القلب
واول مادخلنا الجامعه كنا مثلكم ضايعين
وللحين نحتاج مرات المتقدمين علينا بسنوات
الله يعين الجميع
واعتذر على التاخير بالرد كنت مسافره وتوني رجعت وفتحت النت
اول مره للانتساب ودخلني على صفحتي المعتادة ولكن وجدت فيها رقم الطالب والباسوورد 1/ بالنسبة لرقم الطالب والباسوورد فقط دخلت برقم الطلب اللي سجلت فيه
هل هذا فقط هو دور البطاقة الجامعيه ولاجدوى من انتظارها ام اني ساحتاجها في اوقات الاختبارات
مع العلم اني استطعت بالرقم والباسوورد اللي وجدته في صفحتي الدخول على الرابط
http://odus4.kau.edu.sa/students/index.asp
وتصفح الموقع الخاص بالطالب ( نظام الخدمة الالكترونيه , الطالب )
لا اخوي البطاقه الجامعيه هي الاثبات اللى تستخدمه بالجامعه
وبأيام الامتجانات كل يوم لازم يمرون ويشيكون عليها ويطابقوا االصوره الموجود بالاصل >>حضرتك يعني خخ
و حتى لمن نروح نراجع لاي شي بالجامعه لمن نجي ندخل لازم نبرز البطاقه
وغير كذا رقمك الجامعي بتحتاج تكتبه على كل اوراق امتحاناتك يعني اذا مو حافظه لازم البطاقه معك
فيها خطا في نظام الموقع وهو , 2/ حاولت الدخول على ايقونة ( مفردات المواد الدراسية ) لمعرفة موادي ولكن ينقلني لصفحه
404 العنوان المطلوب غير موجود يرجي التأكد مرة أخرى.
اذا كنت تحاول الوصول الى موقع عضو هيئة تدريس الرجاء كتابة العنوان كالتالي:
هل هذا خطا فعلا بالموقع بمعنى خطا مؤقت بسبب الزحام او الصيانه وسيعود للعمل بوقت اخر ..؟؟
ام ان هناك شي اخر لابد ان افعله للوصول لموادي التي يجب دراستها ..؟؟
اتوقع السبب انك ماسجلت برقمك الجامعيه يعني مجرد تدخل برقمك الجامعي ماراح يكون في مشكله
واذا حاب تعرف مفردات المواد الدراسيه شوف اي طالب نفس خطتك وخد منه المفردات
هذا طبعا لانك سنه تحضيريه وجدولكم موحد اما بعد ماتعدي السنه التحضيريه
بمعنى اني لدي عمل ولا اعتقد انني ساكون مستطيع لحضور الدورات هل سيكون من حقي الدخول للاختبار 3/ بالنسبة للدورات التاهيليه هل هي ضرورية لدخول الاختبار ام لرفع المستوى
وماهي هذه الدورات هل هي داخل صلب المنهج او هي تحضير وتاهيل لكيفية استخدام الموقع ..؟؟
الدوره التاهيليه اختياريه وطبعا عدم حضورها مايحرمك دخول لاختبارات
لانها بس ارشاديه للطلاب وش الداخل بالاختبارت وشرح مختصر للمواد مثل مافهمت لانى ماحضرتها بس مرات اضيع واتمنى انى حضرتها لانك راح تنجبر تعتمد على كم طالب فيهم خير قدروا يحضروها وكرسوا من وقتهم يكتبون اللى صار فيها لاخوانهم اللى منعتهم االظروف انهم يحضروها واكيد فرق لمن تكون موجود وكاتب كل نقطه عن لمن تعتمد ع غيرك وكلا بظروفه
طبعا الدوره بصلب المنهج
الموقع وطريقة استخدامه راح يوصلك معى البطاقه الجامعيه ورقه او اوراق والله مااذكر بالضبط كم تعرفك كيف تستخدم الموقع
كم دورة ساحتاج او كم دورة تتاح لي خلال السنة او الترم الواحد
هي دوره واحده طبعا بس اذا موغلطانه الطالبات لهم دوره وحده بالترم والطلاب لهم دورتين
بأوقات مختلفه واللى اعرفها انها بالمرتين نفس الدوره بس اللهم اللى وقته ماساعده بالاولى يقدر يحضر الثانيه
هل الدورات لكل مادة دوره ام كل المواد تناقش في دورة واحده ..؟؟
الدوره بنفس الوقت تكون مقسمه لعدد من المحاضرات كل محاضره مختصه بماده ولها اوقات وايام معينه راح تلاقيهم بجدولك بعددماتسدد وينزل
ملاحظه : عند الدخول على صفحتي اجد اعلان عن دورة وهو كالاتي
عند الضغط على التسجيل يحولني لصفحة فيها
لان ماتقدر تسجل بالدوره التاهيليه طالما انك مو داخل برقمك الجامعي
لازم تسدد وينزل جدولك وتستلم بطاقتك الجمامعيه وتسجل دخول برقمك بعدها تسجل بالدوره التاهيليه لو سمحت لك ظروفك اما اذا كان صعب لاتحضرها واعتمد على المنتدى اوطلاب تعرفهم وتواصل معاهم
هل هناك رسول لكل دورة غير رسوم الدراسه وكيف اعرف اسعارها وطريقة التسديد ..؟؟
لاالدوره التاهيليه مجانيه
وتسجل عن طريق الايقونه اللى قلت عنها وبعض الطلاب يقولوا انهم يحضروها من غير تسجيل ومافي مشكله
بس لوحاب تحضر سجل فيها قبل تروح موخسران شي احسن ماتسبب لك مشاكل عند دخول الجامعه لانك مو مسجل لو طلع وا الاخوان نظاميين خخخخ
4/ بالنسبه للمهم والاهم وهي المواد
ماهي المعلومات التي يجب ان اعطيها للمكتبه لترسل لي المواد
هل يكفي ان اعطيهم مثلاً
الخطه التي انا عليها مثلاً الخطه (ب) واي معلومات اخرى من معلوماتي العامه
ام يجب ان اعطيهم المواد بالاسم لكي يرسلوها لي ؟
لانك ذكرتي بردك انهم يرسلون كل المواد حتى اللي ماعرفها ..؟؟؟
اي مجرد عطيهم خبر انك خطه ب وهذا يكفي وهم بيرسلوا لك كل المواد
واذا كنت تبي ملخصات او نماذج اختبارت سابقه انت اسئلهم اذا موجوده عندهم واطلبها لو حاب
5/ هل الاختبار فقط يكون في الجامعة في جده ام هناك خيارات اخرى للجامعه في المناطق البعيده .؟
السنه التحضيريه فقط يوجد امتحانات بعدد من المناطق
الرياض.. الدمام ...ابها... وسمعت في منطقه جديده دخلت بالمناطق بس مدري وش هي ومو متاكده من صحة اللى سمعته عن المنطقه الجديده
.
بعد السنه التحضيريه الاختبار بجده فقط
اخيرا اعذري جهلي وكثرت تسائلاتي فقد وجدت فيك حسن المعامله والتجاوب والمعلومه المفقوده
فلك كل الشكر والتقدير مسبقاً
خذ راحتك بالاسئله
اللى اعرفه ماراح ابخل عليكم فيه