رد: قروب طالبات المستوى الرابع وما فوق ((ادارة وتنظيم الموارد البشريه)) تفضلوا:-
معليش يبنات اتاخرت عليكم
امس كنت برفع مع اخويا عشان بننقل من الشقه فمره مامداني ادخل النت :$
محاضرات امس
.. التسويق ..
اخدنا الفصل الرابع وخلصنا ودخلنا شوية على الخامس
.:: الفصل الرابع ::.
اخدنا سلوك الشراء لدى المستهلك
- التعريف تبعو
- اعطتنا سؤال .. ماذا نستفيد من دراسة سلوك المستهلك ؟
- من الذي يتخذ قرار الشراء
- انواع سلوك قرار الشراء
- اهم وسيلة للتمييز
- خطوات عملية الشراء ..
الخطوه الاولى والتانيه مافيها شي كلو من الكتاب
بس الخطوة التالته فصلتلنا فيها اكتر
ثالثا : تقييم البدائل ..
في الاختبار راح تجيب الطرق التلاته كلها
1- حساب القيمة المتوقعة:
هادي مشروحه بتفصيل في الكتاب
* بس الاوزان قالتلنا انو مجموعها لازم يكون الواحد الصحيح يعني في الكتاب جايبين
السعر 0,4 / الصوت 0,2 / الوزن 0,1 / التقاط الموجات 0,3
0,4+0,2+0,1+0,3 = 1
*قالتلنا في الاختبار في العاده هيه تجيب الاوزان كلها بس ممكن تجيب بس تلاته واحنا نستنتج الرابع بما انو مجموعهم لازم يكون واحد
*اعطتنا سؤال..
لماذا عند تحديد البدائل تختلف القيمة المتوقعه من شخص لاخر؟
2- نموذج الاختيار الاقتراني:
* سـ / باستخدام طريقة الاختيار الاقتراني اي البدائل يستخدمها المستهلك س :
أ) اذا وضع حد ادنى من الدرجات للسعر 6 والتقاط الموجات 8 ؟
هنا كيف نحل نروح عند الجدول
* نجي عند السعر ونحذف كل قيمه تكون اقل من الـ 6
راح يفضلنا (سوني 8 / سانيو 7 / فيليبس 6)
* بعدين نجي على التقاط الموجات ونسوي زي ماسوينا في السعر بس دي المره نحذف كل قيمه اقل من الـ 8
وراح يفضلنا (سوني 9)
* فناخد الجهاز الي يجمعلنا بين الصفتين الي هو سوني
ب) اذا وضع حد ادنى من الدرجات لوضوح الصوت 3 و وزن الراديو 6 ؟
نحل زي ماحلينا الفقره أ
* عند وضوح الصوت راح يفضلنا (سوني 7/توشيبا 6/باناسونيك4/سانيو 5/فيليبس 4)
* وزن الراديو (سانيو 7/فيليبس 6)
*هنا حنلاحظ انو عندنا جهازين بيجمعولنا بين الصفتين
فنختار الجهاز الي قيمو اقرب للصفتين الي معطينا هيه الي هوا (فيليبس)
لانو قيمو 4و6 وقيم الصفات الي اعطونا هيه 3و6
(ونقيس على كدا)
3- نموذج الاختيار الاستدراكي:
* سـ / باستخدام طريقة الاختيار الاستدراكي اي البدائل يستخدمها المستهلك س اذا وضع حد ادنى من الدرجات للسعر 5 او وزن الراديو 3 ؟
برضو نحل زي المسأله الي قبلها فيسير يبقالنا
* السعر (سوني 8/باناسونيك 5/سانيو 7/فيليبس 6)
- ناخذ الجهاز الي قيمتو اقرب للمطلوب (باناسونيك)
* وزن الردايو (توشيبا 4/باناسونيك 5/سانيو 7/فيليبس 6)
- ناخذ الجهاز الي قيمتو اقرب للمطلوب (توشيبا)
* فالجواب يسير اما نختار باناسونيك او نختار توشيبا لانو في السؤال جا أو
(معليش شرحي مره خنفشاري فازا مافهمتو شي قولولي عادي اشرحها مره تانيه ^^)
بعد كده كملنا خطوات عملية الشراء ..
- رابعا: قرار الشراء (وهنا يتم الشراء الفعلي)
- عوامل قرار الشراء
* سـ / العوامل التي يتأثر بها قرار الشراء اتجاهات واراء الاخرين (x)
لازم نذكر العاملين بس ازا جابتلنا من العوامل التي تؤثر على قرار الشراء ساعتها نحط صح
- خامسا: سلوك مابعد الشراء
- التعريف تبعو
- العوامل المؤثرة في سلوك الشراء
اولا:عوامل حضارية
1- الحضارة (التعريف-ملموسه-غير ملموسة ...)
2- الحضارات الفرعية
3- الطبقة الاجتماعيه
*سـ / ماذا نستفيد من معرفة الطبقة الاجتماعية؟
- تقسيم وارنر: صفحة 87 قراءة ^^
ثانيا: العوامل الاجتماعيه
1- المجموعات المرجعية او الانتمائيه
*هنا نبهتنا انو الاصدقاء مايدخلو ضمن المجموعات العضوية
2- الاسرة
*الاختلاف بين مجموعات السلع لانو قرار الشراء يشترك فيه جميع افراد الاسره
3- الدور والمركز
*يمكن للشخص ان يكون له اكثر من دور ومركز واحد
*تعريف الدور
ثالثا: العوامل الشخصية
*سـ / العوامل الشخصية هيه المهنة واسلوب الحياة و الشخصية (x)
زي ماقلنا قبل كده لازم كلها الا لو قالت من
رابعا: العوامل النفسية
1- الدوافع
* لازم نعرف نمييز بين الدوافع الاوليه والثانويه / وبين الدوافع الاوليه والانتقائيه
2- الادراك
3- الميول والاتجاهات
*التعريف
*يصعب تغيير ميول واتجاهات المستهلك
لان هذا الاتجاه يمثل نموذج متناسق من مجموعه من الاتجاهات الاخرى
فمن الاسهل للمنتج ان يغير في المنتج مع مايتوافق مع اتجاهات المستهلك وميوله
4- التعلم
.:: الفصل الخامس ::.
المنتج
- تعريف المنتج
- الفرق بين السلع والخدمات
*في الكتاب مكتوب صعوبة انتاج الخدمات بصورة نمطية
يعني انو كل خدمه تختلف من عميل لاخر ممكن تتشابه بس برضها مختلفه
1- وحدة المنتج
2- خط المنتجات
3- المزيج السلعي
أ) اتساع او تشعب المزيج السلعي (يعني انو الشركه عندها اكتر من خط انتاج واحد)
ب) عمق المزيج السلعي (يعني في الخط الانتاجي الواحد يكون للمنتج اكتر من نوع)
وبس
(طبعا انا ذكرة بس روؤس اقلام وذكرة بعض الحاجات الي شرحتها بتفصيل اكتر يعني الحاجات الي ماقلتها واضحه في الكتاب يعني مو محذوفه *_*)
بعد كده اخدنا
.. مالية شركات ..
في بنات كتير معاهم محاضرات عطر الغلا ولمن سألتهم قالو نفسها الي دحين بناخدها بس في اختلاف بسيط في بعض التمارين ^^
بس ازا حابين لمن ارجع البيت في الويك اند اكتبلكم هيه ^^
وبس
وبتوفيق يبنات
|