[فاقدة أبوها]

صحيح كلامك التكاليف الباهظة هي بتخلي كثير من الشباب يؤجلوا زواجاتهم الى أجل غير مسمى

وياريته على المهر ووبس,إلا الذهب وايجار الصالة والطقاقات والفرقة والكوشة والتقديمات والهدايا والعشا وووو <<خبرة بحكم زواج اخواني في فترات متقاربة.

مع اننا في منطقتنا المهور لاتتجاوز ال40ألف وأقل اذا كان العريس من نفس العائلة لكن لما تعطي
امها وابوها بيزيد ويمكن تتجاوز ال60الف غير تكلفة الحفلة كاملة يعني بتصرف 100ألف ع الملكة بس!!

هذا قبل البيت والأثاث والسيارة وتكاليف الفرح!


طيب والشاب اللي راتبه اربع او خمس الاف من وين يجمع هالمبلغ!


اكيد حيعتمد على القروض ويدخل في دوامة السلفيات من بداية حياته!

وطبعاً هذا كله غير صحيح المفروض اننا نتبع سنة النبي صلى الله عليه وسلم فأكثر النساء بركة ايسرهن مؤنة فإيش الفايدة نتسلف ونتعب ونصرف مبلغ وقدره عشان الناس وبعدين تمحق البركة من حياتنا!


وانا اختلف معك أخت نسيم الوجود بأنك تحددي مهر معين لأنه البنت مو سيارة ولابيت ولاأمة مملوكة تنعطى للي يدفع أكثر!
والرسول صلى الله عليه وسلم يقول (اذا اتاكم من ترضون دينه وخلقه فزوجوه الا تفعلوا تكن فتنة في الأرض وفساد كبير)

وعلى فكرة البنات الحين واعيين مو مثل أول ..

والله يوفق الشباب والبنات ويرزقهم الزوجات والأزواج الصالحين ..